Mik­ill sam­dráttur varð í við­skiptum með hluta­bréf í Kaup­höll Íslands í síð­asta mán­uði, hvort sem miðað er við júlí­mánuð í fyrra eða júní­mánuð í ár. 

Heild­ar­við­skipti með hluta­bréf námu 23 millj­örðum króna í júlí 2020. Í sama mán­uði 2019 námu þau hins vegar 57,7 millj­örðum króna. Því er um að ræða 60 pró­sent lækkun milli ára. 

Þegar hluta­bréfa­við­skiptin í síð­asta mán­uði eru borin saman við slík sem fram­kvæmd voru í júní 2020 er staðan svip­uð. Sam­drátt­ur­inn nemur 54 pró­sentum og heild­ar­við­skiptin fara úr 43,7 millj­örðum króna í 23 millj­arða króna. 

Þetta kemur fram í við­skipta­yf­ir­liti sem Nas­daq Iceland, eig­andi íslensku Kaup­hall­ar­inn­ar, birti í dag. 

Mest voru við­skipti með Mar­el, verð­mætasta félagið sem skráð er á íslenskan hluta­bréfa­mark­að, en þau námu 8,6 millj­örðum króna. Flest við­skipti voru hins vegar með bréf Icelandair Group, sem nú rær líf­róður og hyggur á hluta­fjár­út­boð síðar í þessum mán­uð­i.  

Heild­ar­mark­aðsvirði þeirra 24 félaga sem skráð eru annnað hvort á Aðal­markað eða Nas­daq First North mark­að­inn var 1.225 millj­arðar króna í lok síð­asta mán­að­ar. Það er meira en það var fyrir ári síðan (1.172 millj­arðar króna) og nán­ast það sama og í lok júní 2020, þegar það var 1.222 millj­arðar króna.