Vegna mik­ils sam­dráttar í rekstri og óvissu vegna áhrifa COVID-19 heims­far­ald­urs­ins hefur Frí­höfnin ehf, dótt­ur­fé­lag Isa­via ohf, sagt upp 62 starfs­mönnum í dag. Þetta kemur fram í til­kynn­ingu frá Isa­via í dag.  

„Frá því áhrifa far­ald­urs­ins fór að gæta hér á landi hefur stöðu­gildum hjá fyr­ir­tæk­inu fækkað um tæp 60 pró­sent og gripið hefur verið til ýmissa ann­arra hag­ræð­ing­ar­að­gerða sem snerta öll svið Frí­hafn­ar­inn­ar,“ segir í til­kynn­ing­unn­i. 

Þor­gerður Þrá­ins­dótt­ir, fram­kvæmda­stjóri Frí­hafn­ar­inn­ar, segir að því miður sé staðan þannig að fækkun starfs­fólks sé óhjá­kvæmi­leg. „Út­lit er fyrir að ferða­menn sem koma til lands­ins verði afar fáir næstu miss­erin og erfitt að spá fyrir um hvenær fer að horfa til betri veg­ar. Við hjá Frí­höfn­inni höfum gripið til ýmissa hag­ræð­ing­ar­að­gerða frá því að heims­far­ald­ur­inn hófst en því miður er staðan og útlitið verra en spáð var á fyrstu stig­um.“

Þor­gerður segir að mikil óvissa sé framundan og að staðan verði end­ur­skoðuð reglu­lega.

Isa­via greindi frá því á föstu­dag­inn fyrir helgi að fyr­ir­tækið hefði sagt upp 133 starfs­­mönnum og sett tólf til við­­bótar í lægra starfs­hlut­­fall. Aðgerð­­irnar koma til við­­bótar því að 101 starfs­­manni var sagt upp í lok mars. Isa­via, sem rekur meðal ann­­ars Kefla­vík­­­ur­flug­­völl, hefur því sagt upp 234 manns frá því að COVID-19 far­ald­­ur­inn skall á Íslandi. Frá því far­ald­­ur­inn hófst hefur stöð­u­­gildum hjá móð­­ur­­fé­lagi Isa­via nú fækkað um 40 pró­­sent.