Björn Bjarna­son, fyrr­ver­andi ráð­herra og þing­mað­ur, og Hlé­dís Sveins­dótt­ir, ráð­gjafi og verk­efna­stjóri, hafa verið skipuð í verk­efn­is­stjórn um land­bún­að­ar­stefnu fyrir Ísland af Krist­jáni Þór Júl­í­us­syni, sjáv­ar­út­vegs- og land­bún­að­ar­ráð­herra.

Bryn­dís Eiríks­dótt­ir, sér­fræð­ingur í atvinnu­vega- og nýsköp­un­ar­ráðu­neyt­inu, og Sig­ur­geir Þor­geirs­son, fyrr­ver­andi ráðu­neyt­is­stjóri, munu starfa með verk­efna­stjórn­inn­i. 

Verk­efna­stjórnin á að vinna að mótun nýrrar land­bún­að­ar­stefnu fyrir Ísland og byggja á grunni sviðs­mynda­grein­ingar um fram­tíð land­bún­að­ar­ins til árs­ins 2040 sem KPMG vann fyrir Krist­ján Þór. Gert er ráð fyrir að til­laga að land­bún­að­ar­stefnu fyrir Ísland muni liggja fyrir þann 31. mars 2021.

Samkvæmt skip­un­ar­bréfi verk­efn­is­stjórn­ar­innar á hún að horfa til ýmissa þátta við mótun land­bún­að­ar­stefnu. Á meðal þeirra er að Íslandi verði leið­andi í fram­leiðslu á heil­næmum land­bún­að­ar­af­urð­um, að sér­stak­lega verði hugað að fæðu- og mat­væla­ör­yggi og sam­keppn­is­hæfum rekstr­ar­skil­yrðum í sátt við umhverfi og sam­fé­lag og að tryggð verði byggð­ar­festa með nýt­ingu tæki­færa í krafti nýsköp­unar og vöru­þró­unar sem taki mið af grænum lausnum, mat­ar­menn­ingu og sjálf­bærni. Þá á að horfa til þess að mennt­un, rann­sóknir og þróun mót­ist af hæfi­legri sam­þætt­ingu fræði­legra við­fangs­efna og ráð­gjafar í þágu þeirra sem stunda land­búnað og vinnslu land­bún­að­ar­af­urða og að nota hvata og stuðn­ing til að draga úr umhverf­is­á­hrifum og stuðla að vernd­un, end­ur­heimt og nýt­ingu land­vist­kerfa í sam­ræmi við heims­mark­mið Sam­ein­uðu þjóð­anna um sjálf­bæra þróun frá árinu 2016.

Í til­kynn­ingu frá ráðu­neyti hans segir að mótun land­bún­að­ar­stefnu sé sam­vinnu­verk­efni stjórn­valda, bænda, neyt­enda og atvinnu­lífs. „Verk­efn­is­stjórn mun efna til funda með bændum og öðrum hag­að­ilum í því skyni að virkja þá til þátt­töku í stefnu­mót­un­inni. Fyrir milli­göngu ráðu­neyt­is­ins verður stofnað til sam­ráðs við þing­flokka. Sam­ráð verður haft við full­trúa Bænda­sam­taka Íslands, Sam­taka atvinnu­lífs­ins, Neyt­enda­sam­tak­anna og Alþýðu­sam­bands Íslands og þeim gef­inn kostur á að fylgj­ast með fram­vindu verks­ins á vinnslu­stig­i.“