Búið að móta úttekt FAO sem ríkisstjórnin ákvað að kosta í kjölfar Samherjamálsins

Atvinnuvegaráðuneytið er enn að ganga frá samningum við Matvæla- og landbúnaðarstofnun Sameinuðu þjóðanna (FAO) um úttekt á viðskiptaháttum útgerða, sem ríkisstjórnin boðaði í kjölfar Samherjamálsins í nóvember í fyrra.

Kristján Þór Júlíusson sjávarútvegs- og landbúnaðarráðherra.
Kristján Þór Júlíusson sjávarútvegs- og landbúnaðarráðherra.
Auglýsing

Í nóvember í fyrra, þegar íslenskt samfélag var að vinna úr þeim fréttum sem þá nýlega höfðu borist af starfsemi Samherja í Namibíu í umfjöllunum Kveiks og Stundarinnar, settist ríkisstjórn Katrínar Jakobsdóttir niður og kom sér saman um aðgerðalista til þess að auka traust á íslensku atvinnulífi.

Aðgerðirnar voru í sjö liðum, en ein þeirra var sú að Kristján Þór Júlíusson sjávarútvegs- og landbúnaðarráðherra myndi hafa frumkvæði að því að Matvæla- og landbúnaðarstofnun Sameinuðu þjóðanna (FAO) myndi vinna úttekt á „viðskiptaháttum útgerða sem stunda veiðar og eiga í viðskiptum með aflaheimildir þ. á m. í þróunarlöndum.“ 

Á grundvelli úttektarinnar átti FAO svo að vinna „tillögur til úrbóta í samvinnu við aðrar alþjóðlegar stofnanir sem vinna að heilbrigðum viðskiptaháttum, gegn spillingu, mútum og peningaþvætti,“ samkvæmt því sem sagði í aðgerðalista ríkisstjórnarinnar.

Auglýsing

Verkið verður unnið í tengslum við annað verkefni

Lítið hefur heyrst af þessari boðuðu úttekt síðan þá, en í svari atvinnuvegaráðuneytisins við fyrirspurn Kjarnans um stöðu málsins segir að búið sé að „móta verkefnið í samvinnu með FAO“ og að búið sé að „ná niðurstöðu með FAO varðandi ýmis formsatriði í þessu sambandi.“

Í svarinu segir einnig að úttektin sem Ísland hefur frumkvæði að verði unnin í tengslum við annað verkefni sem er þegar í gangi hjá stofnuninni, sem muni einfalda stjórnunarvinnu í kringum verkefnið. Verið sé að „ganga frá samningum við FAO um verkið og kostun Íslands á því.“

Í tilkynningu stjórnvalda í fyrra sagði að verkefnið sem Kristján Þór myndi eiga frumkvæði að myndi falla vel að hlutverki stofnunarinnar, þar sem FAO væri stærsta alþjóðlega stofnunin sem sinnti reglubundnu starfi hvað varðaði aðgerðir til að bæta stjórn fiskveiða og þróun sjávarútvegs á heimsvísu. Á vettvangi stofnunarinnar hefðu þannig verið gerðir alþjóðasamningar m.a. til að takast á við ólöglegar veiðar og bæta stjórn og upplýsingagjöf með fiskveiðum.

Fyrrverandi sjávarútvegsráðherra yfirmaður hjá stofnuninni

Ísland á fulltrúa í æðstu lögum FAO, en Árni Mathiesen, fyrrverandi fjármála- og sjávarútvegsráðherra Sjálfstæðisflokksins, er aðstoðarframkvæmdarstjóri á fiskveiðisviði stofnunarinnar.

Árni ræddi úttektina sem ríkisstjórnin sagðist ætla að leggja til í samtali við Vísi í fyrra og sagði þá „alltaf gott“ þegar aðildarþjóðirnar hefðu frumkvæði að uppbyggilegum aðgerðum og að spilling væri einn helsti þröskuldur þróunar mjög víða í heiminum.

Spurður hvað hann teldi að úttektin tæki langan tíma sagði Árni að um það væri útilokað að segja. „Ég geri ekki ráð fyrir að málinu verði lokið á einu ári en að hvað sé rétt og hægt að gera verði ljóst á þó nokkuð skemmri tíma,“ sagði Árni Mathiesen.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jón Gnarr
Enn af þrælmennum
Kjarninn 16. maí 2021
Frá fundi Norðurskautsráðsins í Rovaniemi í Finnlandi árið 2019 þegar Ísland tók við formennsku í ráðinu. Rússar taka við keflinu á fundi ráðsins sem fram fer í Reykjavík í maí.
Ísland lætur af formennsku í Norðurskautsráðinu
Sjálfbær þróun og umhverfismál eru grundvallarstef norðurslóðasamvinnu en mega þessi mjúku mál sín einhvers þegar Rússar eru að efla hernaðarlega uppbyggingu og Bandaríkjamenn bregðast við með aukinni viðveru, m.a. á Íslandi?
Kjarninn 16. maí 2021
Um það bil helmingur Dana afþakkar fjölpóst.
100 þúsund tonn af auglýsingapésum
Mánaðarlega fá Danir samtals átta til níu þúsund tonn af auglýsingapésum inn um bréfalúguna. Stór hluti pésanna fer ólesinn í ruslið. Nú ræðir danska þingið breytingar á reglum þannig að borgararnir þurfi að biðja um að fá pésana.
Kjarninn 16. maí 2021
Tony Blair segist vera með lausnir á vanda Verkamannaflokksins og raunar annarra stjórnmálaafla frá miðjunni og til vinstri.
Tony Blair segir að Verkamannaflokkurinn þurfi að fara alveg á byrjunarreit
Fyrrverandi forsætisráðherra Bretlands segir að sinn gamli flokkur eigi sér ekki viðreisnar von ef hann haldi áfram á sömu braut. Algjörrar endurræsingar sé þörf, bæði í efnahagsmálum og umræðum um samfélagsmál, þar sem þeir róttækustu vaði uppi.
Kjarninn 15. maí 2021
Sigríður Á. Andersen, þingmaður Sjálfstæðisflokksins og fyrrverandi dómsmálaráðherra.
„Við eigum að færa þessa verslun heim í hérað – frá Búrgundí í Bústaðahverfið“
Þingmaður Sjálfstæðisflokksins spyr hvers vegna íslensk stjórnvöld viðhaldi einokunartilburðum varðandi áfengissölu.
Kjarninn 15. maí 2021
Davíð Helgason, stofnandi og fyrrum forstjóri Unity.
Vorblað Vísbendingar er komið út
Vísbending hefur gefið út sérstakt vorblað þar sem nýsköpun er í brennidepli. Blaðið er opið öllum, en í því má meðal annars finna viðtal við Davíð Helgason, stofnanda Unity.
Kjarninn 15. maí 2021
Þótt almennt atvinnuleysi hafi dregist saman fjölgar í hópi langtímaatvinnulausra
Þeir sem hafa verið atvinnulausir í meira en tólf mánuði fjölgaði um 288 í síðasta mánuði þrátt fyrir að stjórnvöld hafi ráðist í átak til að draga úr atvinnuleysi hópsins. Atvinnuleysi hjá þeim sem hafa verið án vinnu skemur en sex mánuði dregst saman.
Kjarninn 15. maí 2021
Jarðfræði á mannamáli
Eigendur Icelandic Lava Show í Vík í Mýrdal skrifa reglulega hraunmola á Kjarnann. Þetta er sá sjötti. Markmiðið er að útskýra hin ýmsu fyrirbæri íslenskrar eldvirkni á einfaldan og áhugaverðan hátt.
Kjarninn 15. maí 2021
Meira úr sama flokkiInnlent