Fyrr­ver­andi fram­kvæmda­stjóri Lands­sam­bands íslenskra útvegs­manna (LÍU) og Sam­taka fyr­ir­tækja í sjáv­ar­út­vegi (SFS) er á meðal þriggja nýrra skrif­stofu­stjóra sem Krist­ján Þór Júl­í­us­son sjáv­ar­út­vegs- og land­bún­að­ar­ráð­herra hefur skipað yfir nýjar fag­skrif­stofur innan ráðu­neyt­is­ins. 

Nýtt skipu­rit tók þar gildi í mán­uð­inum og með því urðu til þrjár nýjar fag­skrif­stofur í stað tveggja áður; skrif­stofa land­bún­að­ar­mála, skrif­stofa mat­væla­ör­yggis og fisk­eldis og skrif­stofa sjáv­ar­út­vegs­mála.

Kol­beinn Árna­son, sem var fram­kvæmda­stjóri LÍU og síðan SFS á árunum 2013-2016, verður skrif­stofu­stjóri mat­væla­ör­ygg­is- og fisk­eld­is, Ása Þór­hildur Þórð­ar­dóttir verður skrif­stofu­stjóri land­bún­að­ar­mála og Áslaug Eir Hólm­geirs­dóttir skrif­stofu­stjóri sjáv­ar­út­vegs­mála.

Þau voru öll metin mjög vel hæf af ráð­gef­andi hæfn­is­nefnd, en alls bár­ust 93 umsóknir um störfin þrjú sem voru aug­lýst í júlí. Tíu ein­stak­lingar metnir mjög vel hæfir af nefnd­inni sem var ráð­herra til ráð­gjafar í ferl­inu, sam­kvæmt til­kynn­ingu um þessar skip­anir á vef stjórn­ar­ráðs­ins.

Kol­beinn er með emb­ætt­is­próf í lög­fræði frá Háskóla Íslands og AMP gráðu frá IESE Business School í Barcelona. Auk áður­nefndra starfa í hags­muna­gæslu hefur hann reynslu úr stjórn­sýsl­unni. Á árum áður var hann skrif­stofu­stjóri á tveimur skrif­stofum sjáv­ar­út­vegs­ráðu­neyt­is­ins og full­trúi þess hjá fasta­nefnd Íslands við Evr­ópu­sam­bandið í Brus­sel. Þá var hann einnig yfir­lög­fræð­ingur og fram­kvæmda­stjóri lög­fræði­deildar skila­nefndar og slita­stjórnar Kaup­þings. Síð­ustu ár hefur Kol­beinn starfað sem lög­maður og einnig setið í stjórn LBI, þrota­bús gamla Lands­bank­ans.

Ása Þór­hildur er með meistara­gráðu í lög­fræði frá Háskóla Íslands og MBA gráðu frá Háskól­anum í Reykja­vík. Hún hefur starfað innan stjórn­ar­ráðs­ins frá árinu 2011 þegar hún hóf störf í sjáv­ar­út­vegs- og land­bún­að­ar­ráðu­neyt­inu. Hún var í vel­ferð­ar­ráðu­neyt­inu á árunum 2014-2018 en kom til starfa í atvinnu­vega- og nýsköp­un­ar­ráðu­neyt­inu á árinu 2018. Frá 2019 hefur Ása Þór­hildur verið settur skrif­stofu­stjóri á skrif­stofu mat­væla og land­bún­að­ar.

Áslaug Eir er með BA gráðu í stjórn­mála­fræði frá Háskóla Íslands og meistara­gráðu í sjáv­ar­út­vegs­fræði frá sama skóla, auk þess sem hún hefur lokið diplóma­námi í haf­rétti frá Rhodes Academy. Áslaug Eir hefur starfað hjá Fiski­stofu frá árinu 2007. Frá árinu 2010 til 2013 var hún deild­ar­stjóri hjá stofn­un­inni og frá 2014 hefur hún gegnt stöðu sviðs­stjóra veiði­eft­ir­lits- og lög­fræðis­viðs og verið stað­geng­ill fiski­stofu­stjóra.