Tökur enn í gangi þrátt fyrir sóttvarnareglur

Íslensk framleiðslufyrirtæki hafa náð að halda áfram starfsemi sinni, þrátt fyrir fjöldatakmörk og tveggja metra fjarlægð. Framleiðsludeild RÚV fékk undanþágu frá heilbrigðisráðuneytinu og mega þar 20 manns starfa í hverju rými.

Ófærð
Auglýsing

Nokkur kvik­mynda- og sjón­varps­fram­leiðslu­fyr­ir­tæki hafa ákveðið að stöðva starf­semi sína í ljósi núgild­andi sótt­varna­reglna, sem inni­halda tíu manna fjölda­tak­mörk og tveggja metra fjar­lægð­ar­reglu. Önnur hafa hins vegar náð að halda áfram starf­semi sinni með auknum sótt­varna­ráð­stöf­un­um, meðal ann­ars með skipt­ingu mynd­vera í sótt­varna­hólf. Fram­leiðslu­deild RÚV hefur svo fengið und­an­þágu frá tíu manna regl­unni, en sam­kvæmt heil­brigð­is­ráðu­neyt­inu var hún veitt svo að Rík­is­út­varpið gæti sinnt sínu lög­bundna hlut­verki.

Hlé hjá Sagafilm

Anna Vig­dís Gísla­dótt­ir, fram­leið­andi hjá Sagafilm, segir fyr­ir­tækið hafa gert hlé á þeim kvik­mynda­tökum sem ekki rúm­ast innan tíu manna regl­unn­ar. „Sagafilm hefur átt í mjög góðu sam­starfi við sótt­varna­lækni og ráðu­neytið um reglur sem unnið hefur verið eftir við kvik­mynda­tökur frá því í vor. Við könn­uðum með und­an­þágur þegar þessar nýju reglur tóku gildi en fengum skýr svör að þær yrðu ekki veitt­ar. Við virðum það að sjálf­sögð­u,“ sagði Anna Vig­dís.

Tökur á Ófærð í gangi

Fram­leiðslu­fyr­ir­tækið RVK Studios hefur hins vegar náð að halda áfram tökum á sjón­varps­þátta­röð­inni Ófærð, þrátt fyrir þessar tak­mark­an­ir. Baltasar Kor­mák­ur, leik­stjóri þátt­anna, segir gott sam­starf hafa verið með sótt­varna­yf­ir­völdum á síð­ustu mán­uðum og vísar meðal ann­ars til góðra umsagna lög­regl­unnar á Aust­ur­landi á vinnu­háttum fyr­ir­tæk­is­ins í síð­asta mán­uð­i. 

Auglýsing

Baltasar bætir við að fyr­ir­tækið vinni með streym­is­ris­anum Net­fl­ix, sem geri miklar kröfur til þess að sótt­varnir séu í lagi, auk þess sem starfs­fólk hans sé hita­mælt dag­lega. Einnig segir hann að hægt hafi verið að halda áfram með upp­tökur í mynd­veri með því að skipta því í mörg sótt­varna­hólf. 

RÚV með und­an­þágu

Frétta­stofa og fram­leiðslu­deild RÚV hefur hins vegar fengið und­an­þágu frá núgild­andi sótt­varna­lög­um. Þar mega nú vera allt að 20 manns í hverju rými. Í tölvu­pósti sem starfs­mönnum RÚV barst vegna und­an­þág­unnar kemur fram að fram­leiðslu­deildin sé hluti af því almanna­við­bragði sem er í gangi í ljósi sam­komu­tak­markanna, þar sem „and­lega hlið land­ans“ sé mik­il­vægt hags­muna­mál. 

Í svari við fyr­ir­spurn Kjarn­ans segir heil­brigð­is­ráðu­neytið hins vegar að ákveðið hafi verið að veita und­an­þág­una í ljósi þess lög­bundna örygg­is­hlut­verks sem RÚV gegnir í miðlun upp­lýs­inga. Stefán Eiríks­son útvarps­stjóri segir í sam­tali við Kjarn­ann að und­an­þág­unni sé aðal­lega beitt í frétta­stofu RÚV, en örfá til­vik geti einnig komið fram þar sem óhjá­kvæmi­legt er að fjölga starfs­mönnum í sama rými. Þá bætir hann við að hann telji að fram­leiðslu­deildin hafi ekki enn þurft að nýta þessa heim­ild. 

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rannsóknarskýrsla Alþingi kom út árið 2010. Alls fann framkvæmdavaldið 249 ábendingar sem lúta að stjórnsýslunni við yfirferð sína á skýrslunni og segir að brugðist hafi verið við flestum.
Hvaða skýrsla um skýrslur er þetta eiginlega?
Síðdegis á föstudag birtist skýrsla sem Alþingi óskaði eftir í janúar árið 2018, um það hvernig framkvæmdavaldið hefði brugðist við ábendingum sem finna mætti í þremur rannsóknarskýrslum Alþingis, þar á meðal þeirri stóru um fall bankanna.
Kjarninn 30. nóvember 2020
Andrés Ingi Jónsson, þingmaður utan flokka, er fyrsti flutningsmaður frumvarpsins.
Ekki að leggja til 30 kílómetra hraða alls staðar
Andrés Ingi Jónsson þingmaður utan flokka leggur til að hámarkshraði í þéttbýli verði alla jafna 30 kílómetrar á klukkustund, nema gild rök séu fyrir hærri hraða. Með frumvarpi um þetta vill þingmaðurinn fara að fordæmi Hollendinga og Spánverja.
Kjarninn 29. nóvember 2020
Lady Brewery hreyfingin býður fólki í leyniklúbb
Farandsbrugghúsið Lady Brewery ætlar að koma upp tilraunaeldhúsi þar sem íslensk náttúra í bjórgerð verður rannsökuð. Safnað er fyrir verkefninu á Karolina fund.
Kjarninn 29. nóvember 2020
Helga Vala Helgadóttir leiddi lista Samfylkingarinnar í Reykjavík norður fyrir síðustu kosningar.
Samfylkingin fer „sænsku leiðina“ í Reykjavík og heldur ekki prófkjör
Það verður ekkert prófkjör hjá Samfylkingunni í Reykjavík fyrir næstu alþingiskosningar. Uppstillingarnefnd hefur verið falið að stilla upp listum og leita eftir tilnefningum frá flokksfélögum.
Kjarninn 29. nóvember 2020
Dæmi um fyrirsagnir frétta dagblaðanna á árunum 1985 og 1986.
Neituðu að kryfja lík alnæmissjúklinga
Í bók Gunnhildar Örnu Gunnarsdóttur, Berskjaldaður, er að finna frásögn hjúkrunarfræðings af hræðslunni og fordómunum innan sem utan Borgarspítalans á níunda og tíunda áratugnum, þegar HIV-faraldurinn braust út.
Kjarninn 29. nóvember 2020
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Meira úr sama flokkiInnlent