Ölgerðin Egill Skalla­gríms­son ehf. gefur aldrei upp ein­stakar sölu­tölur en sala á Egils malti og app­el­síni er sam­kvæmt fyr­ir­tæk­inu ætíð góð, ekki síst yfir hátíð­irnar og síð­asta ár var þar ekki und­an­tekn­ing.

Þetta kemur fram í svari fyr­ir­tæk­is­ins við fyr­ir­spurn Kjarn­ans um hversu mikið ölgerðin hefði selt af Egils malti og app­el­síni á síð­asta ári. Fram kom í til­kynn­ingu frá Reykja­vík­ur­borg í vik­unni að fyr­ir­tækið hefði í sam­ráði við Heil­brigð­is­eft­ir­lit Reykja­víkur stöðvað sölu og inn­kallað Egils malt og app­el­sín í hálfs lítra dós­um.

Ástæða inn­köll­unar var að hugs­an­lega gæti verið gler­brot í drykkj­ar­dós. Gler­brot í mat­vælum geta valdið skemmdum á tönnum og sárum í munn­holi og melt­ing­ar­vegi, segir í til­kynn­ing­unn­i. 

Um eina fram­leiðslu­lotu að ræða

Guðni Þór Sig­ur­jóns­son, for­stöðu­maður vöru­þró­unar og gæða­deild­ar, segir í svar­inu til Kjarn­ans að neyt­andi hafi haft sam­band eftir að hann fann gler­brot í dós af Malti og App­el­síni.

Þá kemur enn fremur fram í svar­inu að ekki liggi fyrir á þess­ari stundu hversu stór hluti af því sem fram­leitt var fyrir jólin sé um að ræða. „Að­eins var um að ræða eina fram­leiðslu­lotu. Þessi ein­staka lota var innan við 5 pró­sent af fram­leiddu Malti og App­el­sín­i,“ segir í svar­in­u.