Ólafur Ragnar Gríms­son, fyrrum for­seti Íslands og for­maður Alþjóða­ráðs um stjórn­mál orku­skipta, segir að yfir­stand­andi orku­skipti úr jarð­efna­elds­neyti í græna orku­gjafa muni gjör­breyta valda­jafn­vægi á heims­vísu. Olíu­rík lönd missa valda­stöðu sína í heims­hag­kerf­inu þar sem önnur lönd þurfa ekki að reiða sig á þau til að verða sér úti um orku. 

Þetta kemur fram í við­tali Ólafs Ragn­ars við breska blaðið Fin­ancial Times, sem birt­ist fyrr í dag og var liður í umfjöllun þess um áhrif orku­skipt­anna á alþjóða­stjórn­mál. 

Sam­kvæmt umfjöll­un­inni eru skiptar skoð­anir um hvers konar áhrif grænir orku­gjafar muni hafa á vald­jafn­vægi milli ríkja heims­ins, en sumir telja að þeir verði ein­ungis notað sem tól ríkj­andi stór­velda til að halda völd­um. 

Ólafur Ragnar telur hins vegar að orku­skiptin muni leiða til nýrrar teg­undir stjórn­mála: „Á meðan jarð­efna­elds­neyti fer smátt og smátt út úr orku­kerf­in­u...mun gamla stjórn­mála­skip­anin með stór­veldi sem orku­gjafa einnig fara á brott. Smátt og smátt mun vald þess­ara ríkja sem voru mik­il­væg í heimi sem reiðir sig á jarð­efna­elds­neyti, eða stórra fyr­ir­tækja líkt og olíu­fyr­ir­tækja, fjara út.“

Hins vegar segir Ólafur að enn verði stórar valda­blokkir í orku­málum á heims­vísu til þótt grænir orku­gjafar verði ráð­andi, en að þær verði ekki jafn valda­miklar og olíu­veldin eru núna. Þess vegna segir hann að ekki ætti að líta á lönd eins og Kína, sem hefur for­skot á mörg önnur ríki í umhverf­is­vænni orku­fram­leiðslu, sem ógn, þar sem erfitt verður fyrir landið að beita jafn­miklu valdi á önnur ríki og olíu­rík lönd hafa gert á und­an­förnum árum.