Íslenska tölvu­leikja­fyr­ir­tækið Teatime sagði upp öllum starfs­mönnum sínum síð­ast­lið­inn föstu­dag. Fyr­ir­tækið hefur nú hætt allri starf­semi, en sam­kvæmt for­stjóra fyr­ir­tæk­is­ins eru gjald­þrota­skipti yfir­vof­andi. Þetta kom fram í frétt á vef Stund­ar­innar fyrr í dag. 

Í frétt­inni var rætt við Þor­stein B. Frið­riks­son, eins af stofn­endum Teatime. Þor­steinn stofn­aði einnig leikja­fyr­ir­tækið Plain Vanilla árið 2010, en það fyr­ir­tæki hætti rekstri sínum árið 2016 vegna vand­ræða við að afla tekna. Ári seinna stofn­aði hann svo Teati­me, ásamt öðrum fyrr­ver­andi eig­endum og lyk­il­stjórn­endum Plain Vanilla.

Líkt og Plain Vanilla sér­hæfði Teatime sig í hönnun og mark­aðs­setn­ingu smá­forrita á snjall­tækj­um. Fyr­ir­tækið gaf út spurn­inga­leik síð­asta sumar undir nafn­inu Tri­via Royal, en að sögn Þor­steins náði hann ansi miklum vin­sældum í Banda­ríkj­un­um. Hins vegar hafi tekj­urnar úr leiknum ekki verið nægar til að standa undir rekstri fyr­ir­tæk­is­ins. „Það gekk bara ekki upp og við þurfum að loka, jafn leið­in­legt og það er,“ segir Þor­steinn í við­tali við Stund­ina. 

 Tekju­öflun var einnig helsta vanda­mál Plain Vanilla, en það fyr­ir­tæki náði ekki að afla tekna í gegnum helstu vör­una sína, sem var spurn­inga­leik­ur­inn QuizUp. Um mitt ár í fyrra var leik­ur­inn efstur á vin­sæld­ar­lista App Store í Banda­ríkj­unum yfir ókeypis leiki og var vin­sælli en smá­forrit eins og Instagram og TikT­ok.