Heilbrigðisráðuneytið gerir „alvarlegar athugasemdir“ við orð Helgu Völu

Heilbrigðisráðuneytið telur að málflutningur formanns velferðarnefndar í frétt RÚV um Sjúkratryggingar Íslands í gærkvöldi hafi verið ógætilegur og að trúnaðar um það sem fram fór á lokuðum nefndarfundi hafi ekki verið gætt.

Helga Vala Helgadóttir þingmaður Samfylkingar og formaður velferðarnefndar Alþingis.
Helga Vala Helgadóttir þingmaður Samfylkingar og formaður velferðarnefndar Alþingis.
Auglýsing

Heil­brigð­is­ráðu­neytið seg­ist gera alvar­legar athuga­semdir við mál­flutn­ing Helgu Völu Helga­dóttur for­manns vel­ferð­ar­nefndar Alþingis í sjón­varps­fréttum Rík­is­út­varps­ins í gær­kvöld­i. Ráðu­neytið hefur komið athuga­semdum sínum á fram­færi bréf­lega og sent frá sér til­kynn­ingu um mál­ið.

Af til­kynn­ingu ráðu­neyt­is­ins má ráða að það telji Helgu Völu hafa rofið trúnað sem eigi að vera um það sem fram fari á lok­uðum nefnd­ar­fund­um.

„Í þing­skap­ar­lögum er afdrátt­ar­laust kveðið á um að trún­aður skuli ríkja um mál­efni sem rædd eru á lok­uðum nefnd­ar­fund­um. Heil­brigð­is­ráðu­neytið verður að geta treyst því að sam­skipti við vel­ferð­ar­nefnd byggi á heil­ind­um, virð­ingu fyrir þeim málum sem þar eru til umfjöll­unar og að trún­aðar sé gætt líkt og áskilið er í lög­um,“ segir ráðu­neytið í til­kynn­ingu  sinni, sem birt­ist á vef stjórn­ar­ráðs­ins í hádeg­inu.

Sagði sam­skipta­vanda loða við Sjúkra­trygg­ingar

Í frétt RÚV var fjallað um sam­skipti Sjúkra­trygg­inga Íslands við sveit­ar­fé­lög sem reka hjúkr­un­ar­heim­ili, auk þess sem fjallað var um við­ræður Sjúkra­trygg­inga við tal­meina­fræð­inga og sjúkra­þjálf­ara. 

Auglýsing


Helga Vala sagði í frétt RÚV að „því mið­ur“ virt­ist vera „sam­skipta­vandi milli flestra þeirra sem eru að reyna að ná samn­ingum við Sjúkra­trygg­ing­ar.“

Einnig sagði Helga Vala frá því að komið hefði fram á fundi nefnd­ar­innar að hluti sveit­ar­fé­laga lands­ins væru að nota það fé sem feng­ist til að reka hjúkr­un­ar­heim­ili í eitt­hvað ann­að. „Ég hef ekki heyrt það áður og ég held að það sé fróð­legt að spyrja sveit­ar­fé­lögin hvort að þetta sé rétt,“ er haft eftir Helgu Völu á vef RÚV.

„Samn­inga­við­ræður standa yfir milli Sjúkra­trygg­inga Íslands og fyrr­nefndra aðila og bendir ráðu­neytið á að ógæti­leg ummæli í fjöl­miðlum um mál sem rædd eru í trún­aði á lok­uðum fundi vel­ferð­ar­nefndar geti spillt fyrir þeim við­ræð­u­m,“ segir í til­kynn­ingu ráðu­neyt­is­ins.

Þar segir einnig að bréf með athuga­semdum hafi verið sent til Helgu Völu og afrit af því til for­seta Alþing­is.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira úr sama flokkiInnlent