Fjöl­miðla­sam­steypan 365 sagði upp tíu starfs­mönnum í gær, sjö konum og þremur körl­um. Á meðal þeirra sem misstu vinn­una voru Hödd Vil­hjálms­dóttir sjón­varps­kona, Hanna Ólafs­dóttir blaða­maður og Jóhanna Mar­grét Ein­ars­dóttir frétta­mað­ur.

Sævar Freyr Þrá­ins­son, for­stjóri 365, segir í sam­tali við Kjarn­ann að þó vissu­lega hafi hallað á konur í upp­sögn­unum í gær, ­séu þær í minni­hluta þeirra sem misst hafi vinn­una í hag­ræð­ing­ar­að­gerðum fyr­ir­tæks­ins und­an­farna þrjá mán­uði. Sævar segir að í upp­sögnum fyr­ir­tæk­is­ins nýverið hafi kynja­hlut­fallið verið um sjö­tíu pró­sent karl­ar, og um 30 pró­sent kon­ur.

"Ég boð­aði það þegar ég tók við fyr­ir­tæk­inu að það yrði að ein­falda skipu­lag, hag­ræða og bæta rekstur félags­ins, aðgerð­irnar sem hafa verið í gangi und­an­farna mán­uði stað­festa að við höfum verið að vinna að þessu verk­efn­i."

Aug­lýs­inga­sala hjá 365 hefur verið undir vænt­ingum fyr­ir­tæk­is­ins und­an­farna mán­uði. "Aug­lýs­inga­mark­að­ur­inn er mjög tengdur því sem er að ger­ast í sam­fé­lag­inu, og mín til­finn­ing er sú að við séum enn að bíða eftir að sam­fé­lagið fari almenni­lega í gang. Það vantar tölu­vert upp á það að þjóð­fé­lagið fari nú að tikka svo­lít­ið," segir Sævar Freyr í sam­tali við Kjarn­ann.