Rúm­lega 45 þús­und manns hafa nú skrifað nafn sitt við und­ir­skrifta­söfn­un­ina þjóð­ar­eign.­is.

Á vef­síð­unni skora þau sem skrifa nafn sitt á for­seta Íslands að vísa í þjóð­ar­at­kvæða­greiðslu vænt­an­legu mak­ríl­frum­varpi sjáv­ar­út­vegs­ráð­herra og hverjum þeim lögum sem þar sem fisk­veiði­auð­lindum er ráð­stafað til meira en eins árs.

„Við und­ir­rituð skorum á for­seta Íslands að vísa í í þjóð­ar­ats­kvæða­greiðslu hverjum þeim lögum sem Alþingi sam­þykkir þar sem fisk­veiði­auð­lindum er ráð­stafað til lengri tíma en eins árs á meðan ekk­ert ákvæði um þjóð­ar­eign á auð­lindum hefur verið sett í stjórn­ar­skrá og þjóð­inni ekki verið tryggt fullt gjald fyrir afnot þeirra,“ segir í text­anum með und­ir­skrifta­söfn­un­inn­i. Að­stand­endur vef­síð­unnar eru Agnar K. Þor­steins­son, Bolli Héð­ins­son, Guð­rún Pét­urs­dótt­ir, Henný Hinz, Jón Sig­urðs­son, Jón Steins­son og Þor­kell Helga­son.

Und­ir­skrifta­söfn­unin er því orðin sú sjötta stærsta í sög­unni. Stærsta und­ir­skrifta­söfn­unin er und­ir­skrifta­söfn­unin Hjartað í Vatns­mýr­inni, vegna Reykja­vík­ur­flug­vall­ar, en tæp­lega 70 þús­und manns hafa skrifað undir hana.

Kjarn­inn fjall­aði um und­ir­skrifta­safn­anir á Íslandi í frétta­skýr­ing­u ­fyrr í mán­uð­in­um. Hana má finna hér.