Við erum núna inn í 500 millj­arða Banda­ríkja­dala „tækni­bólu“, sem er dæmd til að springa. „Þetta gæti orðið verra en síð­ast.“ Þannig er ritað í sept­em­ber hefti Vanity Fair en Nick Bilton, rann­sókn­ar­blaða­maður og rit­höf­und­ur, skrif­ar ítar­lega grein um fjár­fest­ingar í tækni­geir­an­um, einkum í Síli­kondaln­um. Hann segir í grein sinni að ýmis­legt bendi til þess að það gríð­ar­lega fjár­magn sem hafi leitað í ný tækni­fyr­ir­tæki, ekki síst eftir að snjall­símar fóru að hafa mikil áhrif það hvernig fólk notar tölvu­tækni í dag­legu lífi, muni vafa­lítið leita úr þess­ari „bólu“ áður en langt um líð­ur.

Bilton vitnar til umræðu sem eigi sér nú stað, ekki síst á meðal þeirra ráð­gjafa og fjár­festa sem eru virkir á net­inu. Nefnir hann Bill Gur­ley, fjár­festi og ráð­gjafa hjá fyr­ir­tæk­inu Bench­mark Capital, sem dæmi um mann sem hafi miklar efa­semdir um stöðu mála núna, enda sé mark­aðsvirði fyr­ir­tækja, sem hafi stutta rekstr­ar­sögu og að mörgu leyti óþekkt við­skipta­mód­el, oft með ólík­indum hátt. Fimm hund­ruð millj­arðar Banda­ríkja­dala er upp­hæð sem nemur 64 þús­und millj­örðum króna, sem er ríf­lega þrjá­tíu­föld árleg lands­fram­leiðsla Íslands.

Í umræðum á Twitter nefndi Gurley að mikið kæru­leysi ríkti í tækni­geir­anum gagn­vart stöðu mála, og vel sé raun­hæft að líkja stöð­unni við það sem blasti við árið 1999, þegar net­bólan sprakk með lát­um, með þeim afleið­ingum að hluta­bréfa­mark­aði hrundu og fjöl­mörg tækni­fyr­ir­tæki fóru á haus­inn. „Að halda því fram að við séum ekki inn í bólu, af því að staðan er ekki eins slæm og árið 1999, er eins og að halda því fram að Kim Jong-Un sé fínn af því hann sé ekki eins slæmur og Hitler.“

I wrote a big feat­ure for @VanityFair on whether we're in a tech bubble 2.0, and if so, what could make it go pop! htt­p://t.co/oX­d­Wju­Bhs5

— Nick Bilton (@n­ick­bilton) Sept­em­ber 1, 2015

Einn þeirra sem Bilton ræðir við í umfjöllun sinni, er Mark Cuban sem seldi vef­síðu sína, broa­dcast.com, fyrir 5,7 millj­arða Banda­ríkja­dala, um 700 millj­arða króna, rétt áður en net­bólan sprakk árið 1999. Cuban segir engan vafa leika á því að staðan nú sé orðin sam­bæri­leg við það sem hún var þegar net­bólan sprakk, nema nú séu upp­hæð­irnar marg­falt hærri. Auk þess sjá­ist svipuð ein­kenni og síð­ast. Efa­semda­röddum um stöðu mála er illa tekið og sam­hengi milli rekstr­ar­stöðu og verð­miða sé nán­ast ósýni­legt.

Þá segir Cuban að þeir sem muni tapa mestu, þegar upp er stað­ið, séu þeir sem hafi fengið lán­aða pen­inga til að fjár­festa í fyr­ir­tækjum sem síðan ekki reyn­ist jafn traust og þau virt­ust vera.