Á fjórða þúsund skora á stjórnvöld að ráðast í Fjarðarheiðargöng

Sey.isfj_.r.ur_.jpg
Auglýsing

Nú hafa ríf­lega þrjú þús­und manns ritað nafn sitt und­ir stuðn­ings­yf­ir­lýs­ingu á net­inu, þar sem skorað er á sam­göngu­yf­ir­völd að ráð­ast í gerð jarð­ganga milli Seyð­is­fjarð­ar­kaup­staðar og Fljóts­dals­hér­aðs, undir Fjarð­ar­heið­ina alræmdu, svokölluð Fjarð­ar­heið­ar­göng. Þess má geta að íbúar Seyð­is­fjarðar eru 653 tals­ins sam­kvæmt tölum Hag­stof­unn­ar.

Í áskor­un­inni er þess kraf­ist að ráð­ist verði í jarð­ganga­gerð­ina sem allra fyrst, og alls ekki síðar en við lok fram­kvæmda við Norð­fjarð­ar­göng sem eru langt komn­ar. „Fjöl­margar álykt­anir og áköll hafa komið frá­ Seyð­firð­ingum um var­an­legar sam­göngu­bæt­ur. Ekki verður lengur unað við þær hættu­legu og óásætt­an­legu aðstæður sem eru í sam­göngu­málum Seyð­is­fjarð­ar,“ eins og segir í áskor­un­inni.

Eini veg­ur­inn til og frá firð­inum



Veg­ur­inn um Fjarð­ar­heiði er eini veg­ur­inn til og frá Seyð­is­firði og liggur í 620 metra hæð yfir sjáv­ar­máli. Þar er oft mikið veðra­víti yfir vetr­ar­mán­uð­ina, og heiðin því oftar en ekki mik­ill far­ar­tálmi fyrir heima­menn, gesti fjarð­ar­ins sem og far­þega ferj­unnar Nor­rænu. Þá lok­að­ist heiðin ítrekað síð­ast­lið­inn vetur og stundum í nokkra daga í senn með til­heyr­andi óþæg­indum fyrir gesti og íbúa Seyð­is­fjarðar sem urðu þá innikró­að­ir, til að mynda með tak­mark­aða heil­brigð­is­þjón­ustu.

Í áskor­un­inni til stjórn­valda segir enn frekar: „Seyð­firð­ingar hafa barist fyrir Fjarð­ar­heið­ar­göngum í meira en 30 ár og því löngu orðið tíma­bært að hlustað sé á neyð­aróp okk­ar. Seyð­firð­ingar hafa sýnt mikla bið­lund og skiln­ing á nauð­syn ann­arra jarð­ganga- og vega­fram­kvæmda í land­inu og stutt heils­hugar við þær. Nú er komið að Fjarð­ar­heið­ar­göng­um.“

Auglýsing

Veldur íbúum óþæg­indum og örygg­is­leysi



Seyð­firð­ingar segja mörg rök hníga að gerða Fjarð­ar­heið­ar­ganga, fyrir utan örygg­is­leysið sem fylgi því að eiga sífellt á hættu að eini veg­ur­inn til stað­ar­ins lok­ist á vet­urna.

Mikil atvinnu- og skóla­sókn sé yfir heið­ina í báðar átt­ir, og þá sé stór hluti byggð­ar­innar á Seyð­is­firði á skil­greindum ofan­flóða­svæð­u­m. „Ef hættu­á­stand skap­að­ist og/eða snjó­flóð féllu eru Seyð­firð­ingar mjög háðir því að sam­göngur um þennan eina akveg séu greið­fær­ar.“

Þá veigri margir sér við að leggja á heið­ina nema hún sé greið­fær, og öruggar sam­göngur frá Seyð­is­firði séu nauð­syn­legar til að kom­ast í sjúkra­flug frá Egils­stöðum eða á Fjórð­ungs­sjúkra­húsið í Nes­kaup­stað þar sem til að mynda fæð­ing­ar­deild svæð­is­ins sé til húsa.

„Heil­brigði og öryggi Seyð­firð­inga er ógnað vegna tíðrar ófærðar yfir heið­ina. Lög­gæsla hefur verið veru­lega skert á Seyð­is­firði og lög­reglu­stöðin hefur m.a. verið lögð nið­ur­. ­Byggða­þróun hefur ekki verið nógu hag­stæð. Óvið­un­andi sam­göngur er stór þáttur í þeirri þró­un. Með jarð­göngum stækkar atvinnu­svæði Seyð­is­fjarðar og nágranna­byggð­ar­laga. ­For­senda sam­ein­ingar sveita­fé­laga eru bættar sam­göng­ur.“

 

Fjórir umsækjendur um starf seðlabankastjóra metnir mjög vel hæfir
Forsætisráðherra mun að lokum skipa seðlabankastjóra.
Kjarninn 16. júní 2019
Karolina Fund: Flammeus - „The Yellow”
Akureyringur safnar fyrir plötu.
Kjarninn 16. júní 2019
Listi yfir fyrirtæki án jafnlaunavottunar birtur í lok árs
Einungis 2,8 prósent fyrirtækja með 25-89 starfsmenn hafa hlotið jafnlaunavottun enn sem komið er.
Kjarninn 16. júní 2019
Samskiptaforritum  hefur fjölgað hratt á síðustu árum.
SMS skilaboðum fjölgaði í fyrsta sinn í mörg ár
Þrátt fyrir stóraukna samkeppni frá öðrum stafrænum samskiptaforritum þá fjölgaði SMS skilaboðasendinum sem send voru innan íslenska farsímakerfisins í fyrra. Það var í fyrsta sinn frá 2012 sem slíkt gerist.
Kjarninn 16. júní 2019
Sjálfstæði Grænlands mun verða
Hin 22 ára Aki-Matilda Høegh-Dam er grænlenskur sjálfstæðissinni og komst inn á danskt þing í nýafstöðnum kosningum.
Kjarninn 16. júní 2019
Klikkið
Klikkið
Klikkið - Viðtal við Söndru Sif Jónsdóttur
Kjarninn 16. júní 2019
Dýrasta málverk í heimi fundið
Hver er rétti staðurinn fyrir dýrasta málverk sem selt hefur verið á uppboði? Flestir myndu kannski svara: safn. Kaupandinn, sem borgaði jafngildi 56 milljarða íslenskra króna fyrir verkið, valdi annan stað fyrir þetta verðmæta skilirí.
Kjarninn 16. júní 2019
Höskuldur H. Ólafsson hringir bjöllunni frægu við upphaf viðskipta með bréf í Arion banka fyrir einu ári.
Fyrir einu ári síðan: Arion banki skráður á markað
Á þessum degi fyrir einu ári síðan, þann 15. júní 2018, voru bréf í Arion banka tekin til viðskipta í Kauphöll Íslands. Hann varð þar með fyrsti íslenski bankinn til að verða skráður á markað eftir bankahrunið í október 2008.
Kjarninn 15. júní 2019
Meira úr sama flokkiInnlent
None