Adolf Ingi stofnar útvarpsstöð fyrir erlenda ferðamenn

14050620829-48467e93f5-z-1.jpg
Auglýsing

Íþrótta­f­rétta­mað­ur­inn Adolf Ingi Erlings­son vinnur nú að stofnun nýrrar útvarps­stöðvar á Íslandi, sem verður ætluð erlendum ferða­mönn­um. Adolf Ingi hefur stofnað einka­hluta­fé­lag utan um rekst­ur­inn ­sem fékk út­hlutað útvarps­leyfi í vik­unni, en nýja útvarps­stöðin kemur til með að heita Radio Iceland FM.

Adolf Ingi hefur und­an­farna mán­uði unnið að stofnun útvarps­stöðv­ar­inn­ar, eða allt frá því að hug­myndin kvikn­aði. "Systir mín kom keyr­andi frá Höfn í Horna­firði norður til Akur­eyrar í sum­ar, þar sem við vorum í sum­ar­bú­stað fjöl­skyld­unn­ar. Þegar hún var komin norður sagði hún: „Veistu hvað vant­ar? Það vantar útvarps­stöð fyrir ferða­menn­ina!“ Þar með kvikn­aði hug­mynd­in, sem hljóm­aði ágæt­lega til að byrja með, en svo eftir því sem við ræddum þetta meira þá fannst okkur hún alltaf bara verða betri og betri,“ segir Adolf Ingi í sam­tali við Kjarn­ann.

Á útvarps­stöð­inni verður í boði fræðsla, skemmtun og fréttir á klukku­tíma fresti, að sögn Adolfs Inga, en allt efni verður á ensku og þá verður ein­vörð­ungu spiluð íslensk tón­list. Þá verða búnir til sér­stakir þættir fyrir mis­mun­andi svæði og staði á Íslandi sem eru áhuga­verðir fyrir ferða­menn að heim­sækja.

Auglýsing

Einkennismerki nýju útvarpsstöðvarinnar. Ein­kenn­is­merki nýju útvarps­stöðv­ar­inn­ar.

Mikið ævin­týri og mjög metn­að­ar­fullt verk­efni



Ad­olf Ingi á í við­ræðum við efn­aðan fjár­festi í ferða­þjón­ustu um aðkomu hans að verk­efn­inu, sem kostar nokkra tugi millj­óna að hans sögn. Nú stendur yfir leit að heppi­legu hús­næði undir starf­sem­ina og manna­ráðn­ingar eru komnar á fullt, en Adolf Ingi gerir ráð fyrir sjö til átta stöðu­gildum til að byrja með. Þá eru sömu­leiðis hafin kaup á nauð­syn­legum tækja­bún­aði.

„Þetta er heil­mikið ævin­týri og mjög metn­að­ar­fullt verk­efni. Við ætl­u­m að ná til ferða­manna þar sem þeir eru að ferð­ast um landið á bíla­leigu­bíl­unum eða sínum einka­bíl­um, og þess vegna þarf að byggja upp dreifi­kerfi fyrir stöð­ina og það kostar tugi millj­óna króna. Til að byrja með reikna ég með að vera með fimmtán senda víðs­vegar um landið og það hefur bara held ég engin útvarps­stöð farið í jafn loftið með jafn mikla dreif­ingu og við stefnum að til að byrja með. Ég held að bara Rás 2, Rás 1 og Bylgjan séu með meiri dreif­ing­u.“

Adolf Ingi stefnir að því að útvarps­stöðin hefji útsend­ingar 1. febr­úar næst­kom­andi ef allt gangi að ósk­um. „Þetta er stórt dæmi, og miklu stærra dæmi en maður gerði sér grein fyrir til að byrja með. En það er með þetta eins og allt ann­að, eins og að ráð­ast í fram­kvæmdir heima hjá sér eða byggja sum­ar­bú­stað, ef maður hefði gert sér grein fyrir umfangi verk­efn­is­ins áður en maður fór af stað, þá hefði maður trú­lega aldrei farið af stað,“ segir Adolf Ingi og hlær.

Til að byrja með munu útsend­ingar Radio Iceland nást á Suð­vest­ur­horni lands­ins, á Suð­ur­landi austur á Höfn, á Egils­stöð­um, Húsa­vík, í Eyja­firði, Skaga­firði og Borg­ar­nesi og yfir á suð­ur­strönd Snæ­fells­ness.

Spenn­andi tæki­færi fyrir fyr­ir­tæki í ferða­þjón­ustu



Ad­olf Ingi hefur miklar vænt­ingar til nýju útvarps­stöðv­ar­inn­ar, en tekjur henn­ar verða byggðar á aug­lýs­inga­sölu og seldum umfjöll­un­um. „Ég held að þetta sé mjög spenn­andi kostur fyrir aðila í ferða­þjón­ustu, því þarna gefum við þeim leið til að ná til ferða­manna á meðan þeir eru hér á landi. Það hefur verið vanda­mál í mark­aðs­setn­ingu að ná til ferða­mann­anna, því að þegar þeir koma til lands­ins þá eru þeir svo­lítið týnd­ir. Stór hluti þeirra ferð­ast um landið á eigin veg­um, á bíla­leigu­bílum og einka­bíl­um, en þar ætlum við að ná til þeirra með útvarps­út­send­ing­um, sem eru sér­stak­lega ætl­aðar fyrir þá,  til að vekja áhuga þeirra á landi og þjóð, fræða þá og síðan er þetta hrein­lega örygg­is­tæki lík­a,“ segir Adolf Ingi.

„Það hefði til dæmis munað tölu­verðu að hafa svona útvarps­stöð til að ná til erlendra ferða­manna þegar eld­gosið í Holu­hrauni skall á, þá hefði verið hægt að nota þennan ventil til að vara þá við. Eins lík­a þegar það eru við­var­anir út af veðri, flóðum eða hverju sem er. Þarna eiga þeir að geta fengið upp­lýs­ingar um allt sem þá varðar um.“

 

Íslendingar eyddu minna erlendis
Í júlí var mesti samdráttur í kortaveltu Íslendinga erlendis síðan í október 2009, alls dróst veltan saman um 5,3 prósent. Færri brottfarir Íslendinga í kjölfar falls WOW air skýra að hluta til samdráttinn.
Kjarninn 22. ágúst 2019
Stefán Ólafsson
Verðbólguskot gengur yfir
Kjarninn 22. ágúst 2019
Pólverjar rjúfa 20 þúsund íbúa múrinn á Íslandi
Pólskum ríkisborgurum fjölgaði hér á landi um 5 prósent á átta mánuðum.
Kjarninn 22. ágúst 2019
Hörður Arnarson
Hið rétta um raforkuverð til stórnotenda
Kjarninn 22. ágúst 2019
Sigmundur Davíð Gunnlaugsson, formaður Miðflokksins.
Leggur til að Bretland gerist tímabundið aðili að EES-samningnum
Formaður Miðflokksins og fyrrverandi forsætisráðherra telur að Bretar muni blómstra eftir útgöngu úr Evrópusambandinu.
Kjarninn 22. ágúst 2019
Vilja koma í veg fyrir að almannaheillafélög verði misnotuð
Nýr fræðslubæklingur hefur verið gefinn út sem beinist að því að fræða almannaheillafélög um góða stjórnarhætti til að koma í veg fyrir að starfsemi þeirra sé misnotuð.
Kjarninn 22. ágúst 2019
Raunlækkun á fasteignaverði síðustu 12 mánuði
Tólf mánaða hækkun vísitölu íbúðaverðs á höfuðborgarsvæðinu náði rúmlega átta ára lágmarki í júlí þegar hún mældist einungis 2,93 prósent. Á sama tíma mældist tólf mánaða verðbólga 3,1 prósent.
Kjarninn 22. ágúst 2019
Hreiðar Már Sigurðsson við meðferð CLN-málsins í héraði í sumar. Þar voru allir sakborningar sýknaðir.
CLN-málinu áfrýjað til Landsréttar
Hinu svokallaða CLN-máli gegn æðstu stjórnendum Kaupþings hefur verið áfrýjað til Landsréttar. Málið hefur flækst fram og til baka í dómskerfinu árum saman og búið er að greiða til baka hluta þeirra fjármuna sem taldir voru tapaðir.
Kjarninn 22. ágúst 2019
Meira úr sama flokkiInnlent
None