María Rut Krist­ins­dóttir hefur látið af störfum sem aðstoð­ar­maður Þor­gerðar Katrínar Gunn­ars­dótt­ur, for­manns Við­reisn­ar, og tekið við starfi kynn­ing­ar­stýru UN Women á Íslandi.

María Rut hefur verið aðstoð­ar­maður Þor­gerðar í rúm­lega fjögur ár. Í færslu á Face­book segir María Rut að síð­ustu fjögur ár hafi verið „of­boðs­lega lær­dóms­rík en fyrst og fremst fárán­lega skemmti­leg.“

María Rut segir nýtt tæki­færi hafa bankað upp á sem hún gat ekki hafn­að. Sem kynn­ing­ar­stýra UN Women mun hún leiða starf kynn­ing­ar­mála og kynn­ing­ar­sviðs sam­tak­anna, hafa umsjón með átaks­her­ferðum og sam­skiptum við fjöl­miðla.

Áður en María Rut tók við starfi aðstoð­ar­manns Þor­gerðar Katrínar starf­aði hún sem sér­fræð­ingur á sviði mann­rétt­inda­mála á skrif­stofu mann­rétt­inda- og sveita­fé­laga í inn­an­rík­is­ráðu­neyt­inu og leiddi þar sam­ráðs­hóp ráð­herra um með­ferð kyn­ferð­is­brota innan rétt­ar­vörslu­kerf­is­ins. Hún kom einnig að ýmsum öðrum verk­efnum innan inn­an­rík­is- og dóms­mála­ráðu­neyt­is­ins, þar með talið full­gild­ing­ar­ferlis Ist­an­búls­samn­ings­ins. María hefur jafn­framt verið virk í ýmsum félags­störfum m.a. sem for­maður Stúd­enta­ráðs Háskóla Íslands, tals­kona Druslu­göng­unnar og vara­for­maður Sam­tak­anna '78.

Í færslu sinni þakkar María Rut Þor­gerði fyrir sam­starf­ið. „Og elsku Þor­gerður - takk fyrir allt. Traust­ið, sam­vinn­una, áskor­un­ina og vin­átt­una. Ég sé þig á dans­gólf­inu á Kíkí“