Sig­ríður Hall­gríms­dótt­ir, aðstoð­ar­maður Ill­uga Gunn­ars­sonar mennta- og menn­ing­ar­mála­ráð­herra, ýjar að því að gagn­rýni Páls Magn­ús­son­ar, fyrr­ver­andi útvarps­stjóra, teng­ist ósætti þeirra á milli. Páll gagn­rýnir Ill­uga harð­lega í grein sem hann skrifar í Frétta­blaðið í dag og kallar eftir afsögn hans.

„Kannski hefði Páll Magn­ús­son frekar átt að titla sig "ósáttur fyrrv. útvarps­stjóri"“ skrifar Sig­ríður á Face­book-­síðu sína fyrir stundu. Hún fjar­lægð­i ­færsl­una af síð­unni skömmu síð­ar.

Páll hætti sem útvarps­stjóri nokkrum mán­uðum eftir að Ill­ugi varð mennta- og menn­ing­ar­mála­ráð­herra, en ráðu­neyti hans fer með mál­efni RÚV. Ástæðan var sú að ákveðið hafði verið að aug­lýsa stöðu útvarps­stjóra lausa til umsókn­ar.

„Nú er liðið eitt sumar síðan upp­lýst var að mennta­mála­ráð­herra bað um og fékk per­sónu­legan fjár­stuðn­ing frá aðila sem hann síðan veitti póli­tíska fyr­ir­greiðslu vegna við­skipta­hags­muna í Kína. Póli­tísk spill­ing verður ekki aug­ljós­ari en þetta,“ skrif­aði Páll meðal ann­ars í grein sinni í Frétta­blað­inu í dag. Málið fjallar um það að upp­lýst var í vor að Ill­ugi seldi stjórn­ar­for­manni Orku Energy íbúð sína á Rán­ar­götu vegna fjár­hags­erf­ið­leika. Hann leigir íbúð­ina af stjórn­ar­for­mann­in­um, en málið komst í hámæli eftir að Ill­ugi fór til Kína og Orka Energy tók þátt í þeirri ferð. Hann vann ráð­gjafa­störf fyrir fyr­ir­tækið þegar hann var utan þings.

Þetta er ekki í fyrsta sinn sem Páll kallar eftir afsögn Ill­uga og sakar hann um póli­tíska spill­ingu. Það gerði hann einnig í maí síð­ast­liðn­um.

Athuga­semd kl. 12.05: Sig­ríður hefur fjar­lægt færsl­una af Face­book-­síðu sinni og þeim upp­lýs­ingum var bætt inn í frétt­ina.