Minni­hluti stjórn­skip­un­ar- og eft­ir­lits­nefndar Alþingis segir að afskipti Hönnu Birnu Krist­jáns­dótt­ur, þáver­andi inn­an­rík­is­ráð­herra, af rann­sókn leka­máls­ins hafi verið „al­var­leg og í hæsta máta ámæl­is­verð“. Minni­hlut­inn segir að það sé grund­vall­ar­at­riði að Hanna Birna hafi sagt af sér emb­ætti vegna máls­ins og það hljóti að telj­ast ákveðnar lyktir í mál­inu hvað varðar þing­lega og póli­tíska ábyrgð henn­ar.

Minni­hluti nefnd­ar­innar skil­aði af sér skýrslu til þings­ins nú undir kvöld. Hana má lesa í heild sinni hér. 

Gerðar eru alvar­legar athuga­semdir um upp­lýs­inga­gjöf hennar um málið til Alþing­is. „Minni hlut­inn telur að ráð­herra hefði getað svarað spurn­ingum þing­manna varð­andi það hvort minn­is­blað­ið/ sam­an­tektin gæti hafa komið frá ráðu­neyt­inu mun fyrr og með skýr­ari hætti við umfjöllun máls­ins á þingi og upp­lýst að útbúið hefði verið minn­is­blað í ráðu­neyt­inu um málið en að þar hefðu ekki verið þær meið­andi per­sónu­upp­lýs­ingar sem komu fram í fjöl­miðl­u­m.“

Þegar Hanna Birna hafi sagt í þing­sal að þau gögn um málið sem væru til í ráðu­neyt­inu færu víða, meðal ann­ars til und­ir­stofn­ana ráðu­neyt­is­ins, lög­manna, Rauða kross­ins og fleiri, þá hafi hún verið að ýja að því að starfs­fólk á þessum stöðum auk lög­manna gætu hafa gerst brot­leg gegn þagn­ar­skyldu. „Slíkar yfir­lýs­ingar hljóta að telj­ast alvar­legar af hálfu ráð­herra og meið­andi fyrir hlut­að­eig­andi aðila.“