Áhöfnin á varð­skip­inu Tý bjarg­aði í gær 184 flótta­mönnum um borð í varð­skipið norður af ströndum Líb­íu. Fólkið var á tveimur litlum gúmmí­bát­um. Sam­kvæmt frétt á heima­síðu Land­helg­is­gæsl­unnar var um fræki­legt björg­un­ara­frek að ræða.Til við­bótar tók Týr við 100 flótta­mönnum sem ítalskt varð­skip hafði bjarg­að. Þeim var veitt aðhlynn­ing um borð í Tý. Alls eru því 284 flótta­menn um borð í skip­inu sem mun leggja að höfn í Augusta á Sikiley á Ítalíu um miðjan dag í dag.

Mynd af vett­vangi þegar fólk­inu er bjargað úr tveimur gúmmí­bát­um. Myndin er fengin af vef Land­helg­is­gæsl­unn­ar.

Í frétt Lands­helg­is­gæsl­unnar seg­ir: "Áhöfnin á Tý bjarg­aði flótta­fólk­inu af fyrri gúmmí­bátnum rétt um kvöld­mat­ar­leytið í gær en um borð í bátnum voru 71 karl, tvær konur og eitt barn.  Meðan á björg­un­ar­að­gerðum stóð barst neyð­ar­kall frá öðrum litlum gúmmí­bát.  Týr kom á vett­vang skömmu seinna og bjarg­aði þar af litlum gúmmí­bát alls 92 körlum og 18 kon­um, þar af einni barns­haf­andi.

Konu bjargað um borð í Tý. Myndin er fengin af vef Land­helg­is­gæsl­unn­ar.

Sem fyrr segir eru nú alls 284 flótta­menn um borð í Tý og þar af eru nokkrar barns­haf­andi kon­ur.  Allir eru í góðu skjóli inn­an­dyra og njóta aðhlynn­ingar varð­skips­á­hafn­ar­innar en fólkið var þrekað og skelkað eftir að hafa siglt á þessu erf­iða haf­svæði á litlum opnum bát­um.

Síð­ustu daga hefur fjölda fólks verið bjargað á þessu svæði og svo virð­ist sem mikið flæði flótta­fólks sé nú frá Líbíu áleiðis til Ítal­íu.  Verður varð­skipið Týr áfram við björg­un­ar­störf á þessu svæði á næst­unni enda er þörfin fyrir jafn öfl­ugt skip og vel þjálf­aða áhöfn mik­il".

Vekja heims­at­hygli

Störf Land­helg­is­gæsl­unnar við landamæra­eft­ir­lit á Mið­jarð­ar­hafi, með varð­skipi og flug­vél, hafa vakið heims­at­hygli að und­an­förnu. Í frétt á vef gæsl­unnar segir að margir erlendir fjöl­miðlar hafi óskað eftir að fá að fylgj­ast með störfum starfs­manna hennar við afar erf­iðar aðstæður við björgun flótta­manna.  "Í síð­ustu viku bauðst erlendum fjöl­miðlum að koma um borð í varð­skipið Tý, hitta áhöfn­ina og fylgj­ast með þeim við störf.

Var þetta meðal ann­ars fjöl­miðla­fólk frá BBC, Le Fig­aro, Radio France, Voice of Amer­ica, El Sevi­er, AFP, ARD og El Pais svo eitt­hvað sé nefn­t.  Áður höfðu full­trúar fjöl­margra ann­arra fjöl­miðla komið um borð svo sem frá Suedd­eutsche og Dailymail."