Í skýrslu sem Sam­tök iðn­að­ar­ins hafa látið taka sama kemur fram að alls voru 874 mál höfðuð fyrir Hér­aðs­dómi Reykja­víkur vegna starf­semi fjár­mögn­un­ar­fyr­ir­tæk­is­ins Lýs­ingar frá byrjun árs 2010 og til jan­úar 2015. Í 661 til­viki voru gagn­að­ilar Lýs­ingar ein­stak­ling­ar, í 210 til­vikum fyr­ir­tæki og í þremur málum var gagn­að­il­inn íslensk stjórn­völd. Frá þessu er greint í Morg­un­blað­inu í dag.

Þar segir að í jan­úar síð­ast­liðnum hafa enn 510 dóms­mál verið óleyst og að Lýs­ing hefði tekið til varnar í 77 pró­sent þeirra. Af þeim 364 málum sem er lokið lauk 136 málum með dómi eða efn­is­legum úrskurði, 134 málum með niðu­fell­ingu, 81 máli með áritun stefnu, 17 málum með dómsátt, fimm málum var vísað frá dómi og eitt mál­anna var sam­einað öðru. Mark­mið skýrslu Sam­taka iðn­að­ar­ins var að varpa ljósi á þau vanda­mál sem við­skipta­vinir Lýs­ingar standa frammi fyr­ir, en þar vega þyngst deilur um geng­is­tryggða fjár­mögn­un­ar­samn­inga.

Vog­un­ar­sjóður áhrifa­mik­ill í Lýs­ingu

Eig­andi Lýs­ingar er Klakki ehf., sem áður hét Exista, Helstu eig­endur Klakka eru Arion banki, þrotabú Kaup­þings og vog­un­ar­sjóð­ur­inn Burlington Loan Mana­gement, stærsti kröfu­hafi fall­inna íslenskra fjár­mála­fyr­ir­tækja. Burlington á beint 13,4 pró­sent hlut í Klakka.

Hann er auk þess á meðal stærstu kröfu­hafa Kaup­þings sem á Arion banka. Ef slit Kaup­þings yrðu kláruð yrði eign­ar­hlutur Burlington í Klakka því mun hærri. Til við­bótar keypti Burlington 26 millj­arða króna skuldir Lýs­ingar skömmu fyrir árs­lok 2013. Það er því ljóst að Burlington á mik­illa hags­muna að gæta í að Lýs­ing hámarki end­ur­heimtir sín­ar.