„Við­brögðin í gær, bæði út á við og inn á við á lok­uðum síðum flokks­manna, sýndu afdrátt­ar­laust að allur þorri flokks­manna er kom­inn með upp í kok af fram­gangi borg­ar­stjórn­ar­flokks­ins,“ segir Stefán Bogi Sveins­son, sem situr í bæj­ar­stjórn og bæj­ar­ráði Fljót­dals­hér­aðs fyrir hönd Fram­sókn­ar­flokks­ins, á face­book-­síðu sinni í umræðum við­brögð flokks­ins við skipan Gúst­afs Níels­sonar sem full­trúa flokks­ins í Mann­réttinda­ráð Reykja­vík­ur­borg­ar.

Svein­björg Birna Svein­björns­dótt­ir.

Stefán Bogi segir að það sé ekki hægt að neita því að það hafi verið Fram­sókn­ar­flokk­ur­inn sjálfur sem reis upp í gær og neyddi borg­ar­full­trúa flokks­ins, þær Svein­björgu Birnu Svein­bjarn­ar­dóttur og Guð­finnu Jóhönnu Guð­munds­dótt­ur, til að snúa við ákvörðun sinni um að skipa Gústaf í ráðið „því ef við vitum eitt­hvað um borg­ar­stjórn­ar­flokk Fram­sóknar og flug­vall­ar­vina, þá vitum við að almenn umræða úti í sam­fé­lag­inu hefur engin áhrif á þær. En harka­leg við­brögð flokks­fé­laga víða um land, þing­manna, ráð­herra og rit­ara Fram­sókn­ar­flokks­ins, auk skýrra skila­boða frá for­manni flokks­ins höfðu sín áhrif“.

Skipan Gústaf í ráðið vakti hörð við­brögð í gær þar sem hann hefur tjáð sig mjög opin­skátt um andúð á sam­kyn­hneigð og múslim­um. Borg­ar­stjórn­ar­flokkur Fram­sóknar og flug­vall­ar­vina dró skipan Gúst­afs til baka í gær og sagði hana hafa verið „mi­s­tök“.