Andrés Ingi: Tölurnar gefa fullt tilefni til þess að „við efumst um allt“

Þingmaður Pírata spurði formann kjörbréfanefndar hvernig meirihlutinn hefði komist að þeirri niðurstöðu að fara eftir síðari talningunni í Norðvesturkjördæmi. Hann svaraði og sagði að þau hefðu enga ástæðu til að rengja þær tölur sem þar koma fram.

Birgir Ármannsson formaður kjörbréfanefndar og Andrés Ingi Jónsson þingmaður Pírata.
Birgir Ármannsson formaður kjörbréfanefndar og Andrés Ingi Jónsson þingmaður Pírata.
Auglýsing

Andrés Ingi Jóns­son þing­maður Pírata segir að þegar uppi er staðið snú­ist rann­sókn und­ir­bún­ings­kjör­bréfa­nefndar um það hvort vilji kjós­enda hafi komið rétt fram – hvort að þær tölur sem úthlutun kjör­bréfa byggir á séu í sam­ræmi við þau atkvæði sem skil­uðu sér í kjör­kass­ana.

Þetta kom fram í máli hans á Alþingi í dag en þar ræða þing­menn nú taln­inga­klúðrið í Norð­vest­ur­kjör­dæmi. Meiri­hluti kjör­bréfa­­nefndar sem er skip­aður sex full­­trúum Sjálf­­stæð­is­­flokks, Fram­­sókn­­ar­­flokks og Flokks fólks­ins, leggur til að öll útgefin kjör­bréf, 63 tals­ins, verði stað­­fest. Og ekki verði gripið til neinnar upp­­­kosn­­ingar í Norð­vest­­ur­­kjör­­dæmi.

Spurði þing­mað­ur­inn Birgi Ármanns­son þing­mann Sjálf­stæð­is­flokks­ins og for­mann nefnd­ar­innar hver úrslit kosn­ing­anna hefðu í raun ver­ið. „Hver er nið­ur­staðan í Norð­vest­ur­kjör­dæmi? Hverjar eru atkvæða­töl­urnar þar?“

Auglýsing

Birgir svar­aði og sagði að meiri­hlut­inn í nefnd­inni teldi að úrslit kosn­ing­anna hefðu birst í þeim tölum sem yfir­kjör­stjórn Norð­vest­ur­kjör­dæmis skil­aði lands­kjör­stjórn og var grund­völlur úthlut­unar þann 1. októ­ber síð­ast­lið­inn. „Að teknu til­liti til þeirra smá­vægi­legu frá­vika sem við fundum við ítar­lega yfir­ferð allra kjör­gagna sem gefa ekki til­efni til þess að úrslit kosn­ing­anna hafi með neinum hætti breyst.

Þar var um að ræða örfá atkvæði sem höfðu verið flokkuð vit­laust og við greindum í okkar yfir­ferð en að öðru lagi hefur eng­inn dregið í efa að kjör­seðl­arnir eða kosn­inga­gögnin sem við rann­sök­uðum og geymd eru í fanga­klefa lög­regl­unnar í Borg­ar­nesi séu rétt. Það sem er dregið í efa er að varsla kjör­gagn­anna hafi verið full­nægj­andi og nefnd­ar­menn sam­mála um það að sú varsla var ekki full­nægj­andi en það er ekk­ert sem bendir til þess að átt hafi verið við gögnin á þessu tíma­bili og við byggjum okkar nið­ur­stöðu á því,“ sagði Birg­ir.

„Kúnstug“ sönn­un­ar­byrði

Andrés steig aftur í pontu og sagði að honum fynd­ist sú „öf­ug­snúna sönn­un­ar­byrði“ sem kæmi fram hjá Birgi kúnstug. „Ég hefði einmitt haldið að það þyrfti ekki að sýna fram á brot til þess að við vildum hafa vaðið fyrir neðan okkur í kosn­ingum og þurfum þess vegna að end­ur­telja ef yfir­kjör­stjórn í Norð­vest­ur­kjör­dæmi hefði ekki haft þann mögu­leika af okkur með því að rjúfa ábyrgða­keðj­una með því að inn­sigla ekki gögn­in.

En það end­ur­speglar bara þetta hyl­djúpa rugl í þessu máli að við séum með þrjár töl­ur. Hátt­virtur þing­maður sagði að það væri seinni taln­ingin sem væri miðað við.“

Tók hann Við­reisn sem dæmi. „Við­reisn fékk 1.072 atkvæði í Norð­vest­ur­kjör­dæmi í fyrri töl­um. Missti níu atkvæði í seinni taln­ingu og síðan fund­ust tvö atkvæði sem vænt­an­lega hefðu verið dæmd ógild við afstemm­ingu und­ir­bún­ings­nefnd­ar­inn­ar. Mið­flokk­ur­inn fór úr 1.283 atkvæðum yfir í 1.278 og svo er líka hægt að segja að hann hafi fengið 1.279 atkvæði.

Þó að þessar tölur einar og sér þegar þær eru settar inn í reikni­líkan lands­kjör­stjórnar breyti ekki heild­ar­út­hlutun þá gefa þær fullt til­efni til þess að við efumst um allt sem er að borð­inu í Norð­vest­ur­kjör­dæmi. Í full­komnum heimi myndum við end­ur­telja þetta frá botni en við getum það ekki vegna þess að það er búið að menga kjör­gögn­in. Hvernig í ósköp­unum fær meiri­hluti nefnd­ar­innar það út að það sé hægt að láta þessar tölur standa en ekki mæla með upp­kosn­ing­u?“ spurði Andrés Ingi.

Nefndin hefur „enga ástæðu“ til að rengja seinni töl­urnar

Birgir svar­aði í annað sinn og sagði að þetta væri kjarni máls­ins. „Við byggjum á því að töl­urnar í seinni taln­ing­unni séu rétt­ar. Yfir­ferð okkar í Borg­ar­nesi í fleiri en eitt skipti og fleiri en tvö fólst í því að kanna kjör­gögn­in, hvort ein­hver ummerki væru um að kjör­gögnin væru meng­uð, eins og hátt­virtur þing­maður tók til orða. Það sem ítar­leg athugun okkar í síð­ustu ferð leiddi í ljós var að um var að ræða stakar flokk­un­ar­villur til við­bótar við það sem áður hafði komið fram. Við fórum í miklu ítar­legri könnun á gögn­unum vegna þess að við sáum þetta.

Þannig að við höfum í nefnd­inni enga ástæðu til að rengja þær tölur sem þarna koma fram og þar sem kemur að mati að gall­anum þá förum við auð­vitað í það að skoða hvort að ein­hver ummerki – ein­hverjar vís­bend­ing­ar, eitt­hvað – hafi komið fram sem bendir til þess að átt hafi verið við kjör­gögn­in. Svo var ekki. Svo var ekki. Svo ein­falt er það mál.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Meira úr sama flokkiInnlent