Arion banki hagn­að­ist um 5,8 millj­arða króna á fyrsta árs­fjórð­ungi yfir­stand­andi árs, sem er mjög svipuð upp­hæð og hann hagn­að­ist um á sama tíma­bili í fyrra, þegar hagn­að­ur­inn var sex millj­arðar króna. Hagn­aður bank­ans á síð­asta ári í heild var 28,6 millj­arðar króna og því hefur hann hagn­ast um 34,4 millj­arða króna á 15 mán­uð­u­m.  

Arð­semi eigin fjár bank­ans var 12,7 pró­sent á fyrstu þremur mán­uðum árs­ins, sem er aðeins meiri arð­semi en var á sama tíma­bili í fyrra, þegar hún var 12,5 pró­sent, en minna en hún var heilt yfir á síð­asta ári þegar hún var 14,7 pró­sent.

Þetta kemur fram í upp­gjöri Arion banka fyrir fyrsta árs­fjórð­ung sem birt var í dag. Þar segir að bank­inn hafi skilað alls 26,8 millj­arða króna til hlut­hafa bank­ans í formi arð­greiðslna vegna frammi­stöðu síð­asta árs og með end­ur­kaupum á hluta­bréfum þeirra. Í til­kynn­ing­unni til Kaup­hallar er greint frá því að samn­ingur um sölu á Valitor til Rapyd hafi verið fram­lengdur til 1. júní 2022. „Vegna þeirra tafa sem orðið hafa á lúkn­ingu við­skipt­anna hefur Rapyd greitt Arion banka 10 millj­ónir Banda­ríkja­dala í við­bót­ar­greiðslu, sem færð verður til tekna við samn­ings­lok.“

Vaxtamunur – mun­ur­inn á þeim vöxtum sem bank­inn greiðir fólki og fyr­ir­tækjum fyrir inn­lán sem þau geyma hjá honum og þeim vöxtum sem hann leggur á útlán – eykst og var 3,1 pró­sent á fyrsta árs­fjórð­ungi og hækkar úr 2,8 pró­sent á síð­asta árs­fjórð­ungi síð­asta árs. Hann hefur ekki verið svo mik­ill síðan á árinu 2016. Til sam­an­­burðar þá var vaxta­munur nor­ræna banka sem eru svip­aðir að stærð og þeir íslensku 1,68 pró­­sent árið 2020. Hjá stórum nor­rænum bönkum var hann undir einu pró­­senti það ár, sam­­kvæmt árs­riti ­Sam­­taka fjár­­­mála­­fyr­ir­tækja.

Eigið fé 173 millj­arðar króna

Vaxta­tekjur Arion banka voru 17,5 millj­arðar króna á fyrstu þremur mán­uðum árs­ins 2022 sem er 48,3 pró­sent hærri vaxta­tekjur en bank­inn var með á fyrsta árs­fjórð­ungi 2021, þegar þær voru 11,8 millj­arðar króna. Vaxta­kostn­aður eykst þó einnig umtals­vert að hreinar vaxta­tekjur vaxa um 2,2 millj­arða króna ef miðað er við sama tíma­bil í fyrra.  

Í til­kynn­ingu til Kaup­hallar Íslands er haft eftir Bene­dikt Gísla­syni, banka­stjóra Arion banka, að útlána­vöxtur hafi verið umtals­verður á fjórð­ungn­um, sér­stak­lega þegar kemur að lánum til fyr­ir­tækja. „Á síð­ustu tveimur árum hefur Arion banki veitt um 36 millj­örðum króna í lán til fyr­ir­tækja sem síðar hafa verið seld til stofn­ana­fjár­festa eins og líf­eyr­is­sjóða. Slíkt gefur okkur aukið svig­rúm til frek­ari lán­veit­inga til fyr­ir­tækja og eykur fjöl­breyti­leika í eigna­safni líf­eyr­is­sjóða.“

Eig­in­fjár­hlut­fall bank­ans var 22,9 pró­sent í lok mars, eigið fé 173 millj­arðar króna og eignir 1.341 millj­arður króna. 

Kostn­að­ar­hlut­fall, sem mælir hvað kostn­aður við rekstur bank­ans er stór hluti af tekjum hans, heldur áfram að lækka og er nú 42,7 pró­sent. Ein­faldasta leiðin til að ná þessu hlut­falli niður er að fækka starfs­fólki, en 753 störf­uðu hjá Arion banka í lok mars. Það eru 19 færri en gerðu það á sama tíma í fyrra.

Mark­aðsvirði bank­ans var 255 millj­arðar króna við lok við­skipta í dag.