Arion banki hefur gefið út og selt skulda­bréf fyrir 300 millj­ónir evra, um 45 millj­arða króna, til "breiðs hóps alþjóða­legra fjár­festa". Í til­kynn­ingu frá bank­anum kemur fram að umfram­eft­ir­spurn í útboð­inu hafi verið rúm­lega tvö­föld, en alls bár­ust til­boð frá um 100 fjár­festum fyrir um 675 millj­ónir evra.

Skulda­bréfin eru til þriggja ára og bera fasta 3,125 pró­sent vexti, og voru seld á kjörum sem jafn­gilda 3,10 pró­sent álagi yfir milli­banka­vexti. Til stendur að nota hluta láns­ins til að greiða niður önnur og óhag­stæð­ari lán og lækka þannig fjár­mögn­un­ar­kostnað bank­ans. Auk þess munu fyr­ir­tæki sem eru í við­skiptum við Arion banka njóta góðs af auknu aðgengi að erlendu láns­fé, að því er fram kemur í til­kynn­ing­unni.

Þetta er fyrsta útgáfa íslensks banka í evrum sem er seld til svona fjár­festa­hóps frá hruni.

Arion Banki samdi á síð­asta ári við alþjóð­legu bank­anna Citi, Deutsche Bank og Nomura um skipu­lagn­ingu funda með evr­ópskum fjár­festum og er útgáfan afleið­ing af þeirri vinnu.

 Gáfu út en keyp til baka

Þetta er ekki fyrsta útgáfa Arion banka eftir banka­hrun. Árið 2013 gaf bank­inn út skulda­bréf í norskum krón­um, fyrir alls 500 millj­ónir norskra króna,  og var þar með fyrsti íslenski bank­inn til að sækja sér erlenda láns­fjár­mögnun frá árinu 2007. Bank­inn til­kynnti það í jan­úar síð­ast­liðnum að hann hefði keypt til baka hluta þeirra skulda­bréfa, fyrir alls 59 millj­ónir norskra króna. Þau skulda­bréf voru keypt á verð­inu 102,5 sem sam­svarar 2,79 pró­sent álagi yfir NIBOR.