Árni Sig­fús­son, stjórn­ar­for­maður Orku­sjóðs, vék ekki sæti þegar sjóð­ur­inn ákvað að veita styrki til Nýsköp­un­ar­mið­stöðvar Íslands, en bróðir Árna er for­stjóri henn­ar. Styrkirnir voru upp á tæpar fimm millj­ónir króna. Þetta kemur fram í Frétta­blað­inu í dag. 

Þar er rætt við Valdi­mar Öss­ur­ar­son, fram­kvæmda­stjóra Valorku, sem var synjað um styrk úr Orku­sjóði. Hann fór í kjöl­farið fram á lista yfir styrk­veit­ingar og þar kom umrædd styrk­veit­ing í ljós. Orku­sjóður er í eigu rík­is­ins og sér ráð­gjaf­ar­nefnd Orku­sjóðs um að skila til­lögum til iðn­að­ar­ráð­herra um ein­stakar greiðslur úr sjóðn­um.

Sam­kvæmt list­anum fékk Nýsköp­un­ar­mið­stöð Íslands tvær styrk­veit­ingar upp á sam­an­lagt tæpar fimm millj­ónir króna. Valdi­mar telur að ólög­lega hafi verið staðið að styrk­veit­ing­unum vegna þess að stjórn­ar­for­maður Orku­sjóðs­ins, Árni Sig­fús­son, og for­stjóri Nýsköp­un­ar­mið­stöðv­ar, Þor­steinn Ingi Sig­fús­son, séu bræð­ur. Hann telur að þetta stang­ist á við stjórn­sýslu­lög.

Jakob Björns­son, fram­kvæmda­stjóri Orku­sjóðs, stað­festir við Frétta­blaðið að Árni hafi ekki vikið sæti þegar styrk­veit­ingin var sam­þykkt í stjórn sjóðs­ins.