Ásdís Halla Braga­dótt­ir, fyrr­ver­andi bæj­ar­stjóri í Garða­bæ, verður sett ráðu­neyt­is­stjóri háskóla-, iðn­að­ar- og nýsköp­un­ar­ráðu­neytis frá 1. febr­úar næst­kom­andi. Setn­ingin er tíma­bundin til þriggja mán­aða á meðan aug­lýst er eftir ráðu­neyt­is­stjóra fyrir hið nýja ráðu­neyti.

Þetta kemur fram í til­kynn­ingu frá ráðu­neyt­inu. Ásdís Halla var ráðin verk­efn­is­­stjóri við und­ir­­bún­­ing ráðu­neyt­is­ins í byrjun des­em­ber síð­ast­lið­ins.

Það er Áslaug Arna Sig­ur­björns­dótt­ir, háskóla-, iðn­að­ar- og nýsköp­un­ar­ráð­herra sem setur í emb­ætt­ið. Ákvörð­unin er tekin á grund­velli laga um rétt­indi og skyldur starfs­manna rík­is­ins þar sem kveðið er á um heim­ild um setn­ingu, að því er fram kemur hjá ráðu­neyt­inu.

„Hlut­verk nýs ráðu­neytis er kynnt í for­seta­úr­skurði sem birtur er í dag en hann öðl­ast gildi 1. febr­úar 2022. Þann sama dag tekur ráðu­neytið til starfa. Með stofnun nýs ráðu­neytis er ætl­unin að tengja betur háskóla, vís­indi, iðnað og nýsköp­un.

Það end­ur­speglar áherslur rík­is­stjórn­ar­innar á að takast á við áskor­anir fjórðu iðn­bylt­ing­ar­innar og nýta hrað­fleygar tækni­breyt­ingar og staf­ræna umbylt­ingu í þágu sam­fé­lags­ins alls, líkt og segir í þings­á­lykt­un­ar­til­lögu um breytta skipan ráðu­neyta í Stjórn­ar­ráði Íslands. Þar segir jafn­framt að á 21. öld­inni hafi orðið bylt­ing í þekk­ing­ar­iðn­aði þar sem vís­indi og rann­sóknir á háskóla­stigi hafa gegnt lyk­il­hlut­verki. Stjórn­kerfi hvers ríkis þurfi að laga skipu­lag sitt að þeim veru­leika,“ segir í til­kynn­ing­unni.