Drífa Snædal, for­seti Alþýðu­sam­bands Íslands, sendi í morgun bréf til Katrínar Jak­obs­dóttur for­sæt­is­ráð­herra þar sem hún er hvött til að beita sér fyrir skatt­lagn­ingu alþjóð­legra risa­fyr­ir­tækja sem eru með starf­semi um allan heim en borga litla sem enga skatta.

Slík alþjóð­leg skatt­lagn­ing hefur verið til umræðu á vett­vangi OECD og G20 ríkj­anna og í bréf­inu segir Drífa að verka­lýðs­fé­lög um allan heim sendi nú hvatn­ingu á stjórn­völd í aðdrag­anda fundar G-20 ríkj­anna sem fram fer í lok mán­að­ar. „Til­lögur í þessa veru njóta víð­tæks póli­tísks stuðn­ings, líkt og krist­all­að­ist á G-7 fjár­mála­ráð­herra­fund­inum í upp­hafi þessa mán­að­ar, en sér­stak­lega mik­il­vægt er að útfærslan verði ekki útvötn­uð.“

Drífa segir að alþjóð­legur samn­ingur gæti tryggt ríkjum rétt til að skatt­leggja hagnað fyr­ir­tækja sem verður til innan þeirra lög­sögu, óháð því hvaðan fyr­ir­tækið rekur starf­semi sína. „Al­þjóð­legur lág­marks­skattur á hagnað alþjóð­legra stór­fyr­ir­tæki myndi jafn­framt geta bundið enda á víð­tækan skattaflótta slíkra fyr­ir­tækja. Talað hefur verið um 15 pró­sent lág­marks­skatt á hagnað fyr­ir­tækja í þessu sam­hengi en það við­mið er of lágt, líkt og við­ur­kennt var í sam­eig­in­legri yfir­lýs­ingu fjár­mála­ráð­herra Mexíkó, Banda­ríkj­anna, Indónesíu, S-Afr­íku og Þýska­lands sem birt var fyrir skemmstu. Verka­lýðs­hreyf­ingin kallar eftir því að miðað verði við 25 pró­sent og hvet ég þig til að leggj­ast á árar með okkur í því sam­band­i.“

Drífa segir í bréf­inu að það þurfi ekki að hafa mörg orð um hversu miklum fjár­munum almenn­ingur verði af vegna vanskatt­lagn­ingar á alþjóð­leg fyr­ir­tæki. „Rót­tækar aðgerðir á þessu sviði eru grund­völlur við­spyrnu eftir Covid-far­ald­ur­inn, sem og for­senda þess að takast á við lofts­lags­breyt­ing­ar. Þá þarf að kalla þessi fyr­ir­tæki til ábyrgðar hvað varðar aðbúnað og rétt­indi launa­fólks. Það er löngu tíma­bært að stöðva kapp­hlaupið að botn­in­um.“

Bjarni bindur vonir við sam­stöðu

Bjarni Bene­dikts­son, fjár­mála- og efna­hags­ráð­herra, sagði í við­tali við RÚV fyrir um mán­uði síðan að hann von­að­ist eftir sam­stöðu innan OECD um skatt­lagn­ingu á alþjóð­leg fyr­ir­tæki. Það væri risa­stórt mál hvar eigi að skatt­leggja fyr­ir­tæki sem selji vörur og þjón­ustu þvert á landa­mæri.

Hann ætl­aði að leyfa sér að vera hóf­lega bjart­sýnn á slík sam­staða myndi nást vegna þess að á væru að takast gríð­ar­lega miklir hags­mun­ir. „En OECD hefur gert krafta­verk á ýmsum sviðum á und­an­förnum árum, til dæmis í að upp­ræta skatt­svik og það hefur lukk­ast mjög vel, upp­lýs­inga­skipti vegna skatta­mála hafa á und­an­förnum árum verið leidd af OECD og góð raun í þeim efnum er kannski eins og ísbrjótur fyrir þessa vinnu. Þannig að ég bind enn vonir við að við náum utan um þetta vegna þess að hér eru margir aðilar inn­an­lands sem að treysta ein­fald­lega á að þeir geti notið sann­gjarnrar sam­keppn­is­stöðu gagn­vart þessum alþjóð­legu ris­um.“