Virði hluta­bréfa í Net­flix hríð­féll í lok síð­ustu viku eftir að afþrey­ing­arris­inn til­kynnti að fjölgun áskrif­enda hans hafi verið undir vænt­ingum á síð­asta árs­fjórð­ungi. Net­flix stefnir á að vera með 57 milljón not­endur út um allan heim í lok þessa árs, sam­kvæmt The Verge.

Unnið er að opna fyrir þjón­ustu Net­flix hér­lend­is.

Áskrif­endur færri en vænt­ingar stóðu til

Áskrif­endur Net­flix voru 53,1 milljón í lok sept­em­ber síð­ast­lið­ins. Þeim fjölg­aði um þrjár millj­ónir á þriðja árs­fjórð­ungi 2014. Þegar Reed Hastings, for­stjóri Net­fl­ix, kynnti nið­ur­stöður þriðja árs­fjórð­ungs í síð­ustu viku þá við­ur­kenndi hann að fjölgun áskrif­enda hefði verið lægri en bæði áætl­anir félags­ins og vænt­ingar fjár­festa höfðu gert ráð fyr­ir. Hann væntir þess að áskrif­end­urnir verði orðnir 57 millj­ónir í lok þessa árs. Tekjur Net­flix voru hins vegar í takt við vænt­ingar á árs­fjórð­ungn­um.

Spár grein­ing­ar­að­ila höfðu gert ráð fyrir að áskrif­endur Net­flix í Banda­ríkj­unum yrðu 37,6 millj­ónir í lok sept­em­ber, en raunin varð sú að þeir voru um 400 þús­und færri. Utan Banda­ríkj­anna var búist við að fjöldi áskrif­enda myndi verða tæp­lega 16,2 millj­ónir í lok þriðja árs­fjórð­ungs, en raunin var 15,8 millj­ón­ir.

Eftir að til­kynnt var um þessa nið­ur­stöðu hrundu hluta­bréf í Net­fl­ix, en þau eru skráð í Nas­daq-­mark­að­inn í New York. Alls féll virði bréf­anna um 26 pró­sent dag­inn eftir að til­kynnt var um nið­ur­stöð­una. Sú staða var enn uppi þegar mörk­uðum var lokað á föstu­dag.

Vinna að upp­setn­ingu á Íslandi

Net­flix vinnur nú að því að opna fyrir þjón­ustu sína hér­lend­is. Nútím­inn greindi frá því í síð­ustu viku. Alls eru not­endur Net­flix á Íslandi nú þegar yfir 20 þús­und tals­ins, þrátt fyrir að félagið bjóði ekki upp á þjón­ust­una á íslenskum mark­aði. Ýmsar leiðir eru til þess að nálg­ast hana með því að skrá not­and­ann í öðru landi.