Áslaug Björg­vins­dótt­ir, lög­maður og fyrr­ver­andi dóm­ari, Ást­ráður Har­alds­son, dóm­ari við Hér­aðs­dóm Reykja­vík­ur, Kjartan Bjarni Björg­vins­son, dóm­ari við hér­aðs­dóm Reykja­víkur og settur umboðs­maður og Skúli Magn­ús­son, dóm­ari við Hér­aðs­dóm Reykja­vík­ur, hafa gefið kost á sér í emb­ætti umboðs­manns Alþing­is. 

Tryggvi Gunn­­ar­s­­son, núver­andi umboðs­­maður Alþing­is, mun láta af störfum frá og með 1. maí næst­kom­andi. Tryggvi hefur starfað sem umboðs­­maður Alþingis frá 1. nóv­­em­ber 1998, eða í rúm 22 ár. Umboðs­­maður er kjör­inn af Alþingi í emb­ættið til fjög­­urra ára í senn. 

Í til­kynn­ingu frá Alþingi kemur fram að und­ir­nefnd for­sætis­nefnd­ar, sem í sitja Stein­grímur J. Sig­fús­son, Guð­jón S. Brjáns­son og Bryn­dís Har­alds­dótt­ir, hafi gengið frá skipan ráð­gjaf­ar­nefnd­ar, sem verður und­ir­nefnd­inni til aðstoðar við að gera til­lögu til for­sætis­nefndar um ein­stak­ling sem for­sætis­nefnd til­nefnir við kosn­ingu í emb­ætt­ið, en umboðs­maður er kjör­inn á þing­fund­i. 

Eft­ir­taldir sér­fræð­ingar skipa ráð­gjaf­ar­nefnd­ina: Helgi I. Jóns­son, fyrr­ver­andi hæsta­rétt­ar­dóm­ari, sem er jafn­framt for­maður nefnd­ar­inn­ar, Her­dís Pála Páls­dótt­ir, fram­kvæmda­stjóri rekstr­ar­sviðs og mannauðs­stjóri Deloitte, og Kristín Bene­dikts­dótt­ir, dós­ent við laga­deild Háskóla Íslands. Starfs­maður nefnd­ar­innar er Heiðrún Páls­dótt­ir, rit­ari for­seta Alþing­is.