Áslaug Frið­riks­dótt­ir, borg­ar­full­trúi Sjálf­stæð­is­flokks­ins, hefur beðist afsök­unar á því að hafa „ekki valið orð mín af meiri kost­gæfni og vandað betur til máls míns“ í umræðum á borg­ar­stjórn­ar­fundi í gær. Á fund­in­um, þar sem tekin var ákvörðun um að draga til baka til­lögu um snið­göngu á ísra­elskum vörum, sagði Áslaug: „Segjum að nas­istar kæmust hér til valda og þeir ákveddu að setja ein­hvers konar bann á hluti, fara í gegnum inn­kaupa­stefn­una og segja að þetta sé ein­hvern veg­inn þannig að hér sé verið að brjóta á fólki. Þið eruð í raun að gera þetta en þið teljið að þið séuð ekki nas­istar því þið eruð góða fólk­ið."

Áslaug segir í færslu á Face­book-­síðu sinni að hún hafi ekki verið að líkja meiri­hlut­anum við nas­ista með þessu orða­lagi. Það hefði hins vegar mis­skilist og það þyki henni mjög leitt.

„Til­efnið var að ég taldi ákveðna borg­ar­full­trúa meiri­hlut­ans ekki skilja hversu hættu­legt for­dæmi væri þar með sett. Ekki væri alltaf öruggt að gott fólk væri við stjórn og tók ég í kjöl­farið svo til orða að for­dæmið yrði sér­stak­lega slæmt ef til dæmis nastistar kæmust til valda.“