Hækkun á álagn­ingu á smá­sölu­verð elds­neytis hjá íslensku olíu­fé­lög­unum hefur leitt til þess að útgjöld neyt­enda vegna elds­neytis­kaupa hafi hækkað um 500 millj­ónir króna á einu ári. Á sama tíma og heims­mark­aðs­verð á olíu hefur hríð­fallið þá hefur álagn­ing íslensku olíu­fé­lag­anna (Skelj­ungs, N1, Olís og Atl­antsol­íu) auk­ist umtals­vert. Þetta kemur fram í útreikn­ingum sem Félags íslenskra bif­reið­ar­eig­enda (FÍB) hefur gert og greint var frá í hádeg­is­fréttum RÚV. 

Þar var haft eftir Run­ólfi Ólafs­syni, fram­kvæmda­stjóra FÍB, að álagn­ing hafi hækkað um 1,5 krónur í álagn­ingu síð­ustu tólf mán­uði. Það kosti neyt­endur hálfan millj­arð króna. Á­stæðan væri ein­fald­lega við­leitni mark­að­ar­ins um að bæta við álagn­ingu. Íslenskir neyt­endur búa við um helm­ingi hærri álagn­ingu á elds­neyti en Svíar og Dan­ir.

Run­ólfur benti á að Val­geir Bald­urs­son, for­stjóri Skelj­ungs, hefði við­ur­kennt þessa aukn­ingu á álagn­ingu í við­tali við Við­skipta­blaðið í jan­úar 2015. Þar var Val­geir spurður hvort álagn­ingin væri meiri en áður og svarið var ein­falt: "Já, það er rétt að álagn­ing er hærri".

Útsölu­verð á bens­íni er nán­ast það sama hjá öllum olíu­fé­lög­un­um. Hjá Skelj­ungi er lítr­inn á 221,7 krónur en hjá Orkunni, sem er í eigu Skelj­ungs, kostar hann 219,5 krón­ur. Hjá N1 er hann á 219,8 krón­ir, hjá Olís 219,8 krónur (ÓB sem er í eigu Olís selur hann á 219,6 krón­ur) og hjá Atl­antsolíu er lítr­inn á 219,6 krón­ur.