Þrettán banda­rískir öld­unga­deild­ar­þing­menn hafa sent Sepp Blatt­er, for­seta Alþjóða­knatt­spyrnu­sam­bands­ins, bréf þar sem þeir óska þess að sam­bandið færi heims­meist­ara­mót karla í knatt­spyrnu frá Rúss­land­i. Rússar eiga að halda keppn­ina árið 2018.

Bréfið var sent á þriðju­dag en gert opin­bert í gær­kvöldi. Þing­menn­irnir segja í því að það að leyfa Rússum að halda keppn­ina muni auka hróður stjórn­valda í rík­inu og það sé óvið­eig­andi á tímum sem Vla­dimír Pútín og stjórn hans eigi að hljóta for­dæm­ingu heims­ins. Þá hafi yfir 40 ríki beitt Rússa refsi­að­gerðum og keppni eins og þessi muni létta á efna­hags­legri spennu þar.

Fyrr­ver­andi for­seta­fram­bjóð­andi Repúblikana, John McCain, er meðal þeirra sem skrifa undir bréf­ið. Þing­menn­irnir hvetja Alþjóða­knatt­spyrnu­sam­bandið einnig til að halda sér­stakan fund þar sem kosið verði um mál­ið.

For­seti Úkra­ínu, Petro Poros­hen­ko, hvatti til þess í síðsta mán­uði að ríki heims­ins hug­leiddu að snið­ganga heims­meist­ara­mótið nema Pútín dragi her­lið á sínum vegum frá Úkra­ínu. Hann sagð­ist venju­lega vilja halda stjórn­málum og fót­bolta aðskildum en það væri ekki hægt nú þegar eitt besta knatt­spyrnu­fé­lag Úkra­ínu, Shakhtar Donet­sk, þarf að spila heima­leiki sína í yfir þús­und kíló­metra fjar­lægð frá heima­vell­inum vegna þess að Donetsk er á valdi aðskiln­að­ar­sinna.