Banda­ríska verð­bréfa­eft­ir­lit­ið, SEC, sam­þykkti í dag nýja reglu sem skyldar fyr­ir­tæki til þess að birta opin­ber­lega upp­lýs­ingar um launa­mun milli for­stjóra fyr­ir­tækis og dæmi­gerðs starfs­manns þess. Stjórn verð­bréfa­eft­ir­lits­ins sam­þykkti regl­una með þremur atkvæðum gegn tveimur en Mary Jo White, stjórn­ar­for­maður eft­ir­lits­ins, hefur verið undir miklum þrýst­ingi frá stétt­ar­fé­lögum og hópi Demókrata um að inn­leiða regl­una. White og tveir Demókratar í stjórn­inni sam­þykktu inn­leið­ingu regl­unn­ar.

Tveir full­trúar Repúblik­ana í stjórn­inni lögð­ust gegn breyt­ing­un­um. Þeir telja regl­una ­þjóna þeim til­gangi einum að gera lítið úr for­stjórum fyr­ir­tækja og telja upp­lýs­ingar ekki gagnast fjár­festum að nokkru leyti. Demókrat­arnir telja aftur á móti að upp­lýs­ing­arnar gagn­ist hlut­höfum við að ákvarða laun for­stjóra. Frétta­stofa Bloomberg greinir frá í dag. Í umfjöllun Bloomberg eru þessar nýju reglur sagðar færa nýtt vopn í hendur þeirra sem berj­ast gegn auk­inni mis­skipt­ingu tekna.

Reglu­breyt­ing­arnar taka gildi í árs­byrjun 2017. Frá þeim tíma munu banda­rísk fyr­ir­tæki þurfa að upp­lýsa um með­al­laun starfs­manna að for­stjór­anum und­an­skild­um, laun for­stjóra auk hlut­falls launa hans af með­al­launum starfs­fólks.

Fram kemur í umfjöllun Bloomberg að með­al­laun for­stjóra 350 stærstu fyr­ir­tækja Banda­ríkj­anna juk­ust um 997 pró­sent frá 1978 til 2014. Á sama tíma­bili juk­ust laun almennra starfs­manna um 10,9 pró­sent. Árið 1978 voru laun æðstu stjórn­enda fyri­tækja um 30 sinnum hærri en dæmi­gerðs starfs­manns, en voru í fyrra um 300 sinnum hærri.