Stein­þór Páls­son, banka­stjóri Lands­bank­ans, segir að það þurfi að bregð­ast við gagn­rýni frá hátt­settum stjórn­mála­mönnum um fyr­ir­hug­aða nýbygg­ingu höf­uð­stöðva bank­ans í miðbæ Reykja­vík­ur. Til greina komi jafn­vel að hætt verði við bygg­ing­una. Þetta kom fram í fréttum Stöðvar 2 í kvöld.

Kjarn­inn sagði frá því í gær að banka­ráð Lands­bank­ans hefði ákveðið að fresta hönn­un­ar­sam­keppni um bygg­ing­una við Aust­ur­höfn. Sam­keppnin átti að hefj­ast síðar í ágúst. Ekki liggur fyrir hvenær sam­keppnin verður hafnin á ný.

Stein­þór Páls­son, banka­stjóri Lands­bank­ans.

Lands­bank­inn til­kynnti í fyrri hluta júlí að nýjar 14.500 fer­metra höf­uð­stöðvar bank­ans rísi við hlið Hörpu í Aust­ur­höfn í Reykja­vík. Bygg­ing­ar­á­formin mættu harðri gagn­rýni, meðal ann­ars frá stjórn­ar­þing­mönnum og Sig­mundi Davíð Gunn­laugs­syni, for­sæt­is­ráð­herra. Hann sagði það und­ar­legt að banki í almann­eigu ætli að fara gegn vilja eig­and­ans í mál­inu. Lands­bank­inn er að nær öllu leyti í eigu rík­is­ins.

Lands­bank­inn hefur sagt að með núvirtur ávinn­ingur af því að flytja bank­ann í nýtt hús­næði við Aust­ur­bakka sé met­inn á um 4,3 millj­arða króna, en starf­semi bank­ans er nú rekin í mörgum bygg­ing­um. Þá hafa for­svars­menn bank­ans sagt lóða­verðið hag­stætt og stærð lóð­ar­innar hent­ugt miðað við þarfir bank­ans.