Bjarni Bene­dikts­son fjár­mála­ráð­herra sér fyrir sér að ríkið verði áfram aðal­eig­andi í Lands­bank­anum um langa fram­tíð. Þetta kom fram í svari hans við fyr­ir­spurn Helga Hjörv­ars, þing­manns Sam­fylk­ing­ar­inn­ar, á Alþingi í dag.

Helgi spurði Bjarna um áform um að selja hlut rík­is­ins í Lands­bank­an­um, en heim­ildir til sölu á hluta af hlut rík­is­ins hafa verið inni í fjár­lögum und­an­far­innar ár. Helgi spurði meðal ann­ars hvort Bjarna væri alvara með því að rétt sé að hefja einka­væð­ingu Lands­bank­ans á ný, og hvort Íslend­ingar hefðu ekki grætt meira á því und­an­farin ár að eiga bank­ann í stað þess að selja hann. Hann spurði einnig hvort ekki hefðu verið gerðar allt of litlar breyt­ingar á fjár­mála­kerf­inu frá hruni og hvort fjár­málaum­hverfið hér á landi væri ekki of óeðli­legt, meðal ann­ars vegna fjár­magns­hafta, að ráð­ast í sölu á Lands­bank­an­um.

Bjarni sagði að hann hefði aldrei lagt það til að ríkið drægi sig alveg út sem eig­anda í Lands­bank­an­um. Hann sæi fyrir sér að ríkið yrði áfram aðal­eig­andi í Lands­bank­anum um langa fram­tíð, en að allt að 30 pró­sent mætti selja, líkt og heim­ild hefði verið til lengi. Hann teldi það geta verið Íslend­ingum til hags­bóta að draga úr hlut rík­is­ins í bank­anum og hægt væri að nýta sölu­and­virð­ið til að borga niður skuldir og létta á vaxta­kostn­aði rík­is­ins. „Það var enda alltaf hug­myndin frá því að end­ur­reisn Lands­bank­ans stóð fyrir dyrum að ríkið myndi draga úr eigna­hlut sín­um.“ Þannig væri hægt að bæði borða kök­una og eiga hana. „Við verðum áfram ber­andi, ráð­andi hlut­hafi.“

Hann sagði jafn­framt að gríð­ar­legar breyt­ingar í reglu­verki fjár­mála­fyr­ir­tækja og til dæmis væri Lands­bank­inn lík­lega best fjár­magn­aði bank­inn í Evr­ópu með yfir 20 pró­sent eigið fé.

Helgi sagði þetta gríð­ar­stóra ákvörðun að taka og það væri ótíma­bært að hefja slíkar aðgerð­ir.