Björg­un­ar­sveitin Dal­vík fylgdi sjúkra­bif­reið með barns­haf­andi konu til Akur­eyrar frá Dal­vík á fjórða tím­anum í nótt. Kon­unni var komið á sjúkra­húsið á Akur­eyri um klukkan hálf sjö í morg­un. Á Egils­stöðum og í Hnífs­dal var heil­brigð­is­starfs­fólk aðstoðað við að kom­ast í og úr vinnu. Þetta kemur fram í frétta­til­kynn­ingu sem Slysa­varna­fé­lagið Lands­björg sendi fjöl­miðlum nú rétt í þessu.

Mikið óveður gengur nú yfir Norð­ur­land og Aust­firði og eru flestir vegir þar ófær­ir, ekk­ert ferða­veður er á þessum svæðum sam­kvæmt upp­lýs­ingum frá Vega­gerð­inni. Nú geysar norðan stormur og hríð eru um norð­aust­an­vert landið og á Aust­fjörð­um. Á Suð­aust­ur­landi er búist við norð­vestan 28 til 32 metrum á sek­úndu og hættu­legum vind­hvið­um, allt að sex­tíu metrum á sek­úndu.

Björg­un­ar­sveitir hafa verið kall­aðar út til að aðstoða öku­menn við Siglu­fjörð, í Náma­skarði, í Mikla­dal við Tálkna­fjörð, á Stein­gríms­fjarð­ar­heiði, við Fnjóska­dal, á Skaga­strand­ar­vegi, við Hvamms­tanga, norðan við Blöndu­ós, við Reyn­is­fjall, við Hnausa, á Kleif­ar­heiði, og í Vík­ur­skarði. Þá fór björg­un­ar­sveitin á Hellu í nótt að sækja hóp ferða­fólks í Land­manna­laug­ar. Hóp­ur­inn var vel búinn, en snjó­bíl þurfti til að sækja hann.

Við­vör­um frá Veð­ur­­­stof­unni:

Útlit fyr­ir norðan ill­viðri á öllu land­inu í dag, sunn­u­dag, og ekk­ert ferða­veð­ur. Fer að draga úr vindi vest­­ast á land­inu seinnipart­inn. Veð­ur­­­fræð­ing­ur Vega­­gerð­ar­­inn­ar seg­ir að bú­­ast megi við vind­hviðum allt að 60 m/​s und­ir Vatna­jökli og á Aust­­fjörðum ásamt ofan­komu og skafrenn­ingi.

Hægt er að fylgj­ast með lægð­inni, sem nú gengur yfir land, í „beinni“ hér.