Tón­list­ar­konan Björk Guð­munds­dóttir segir að Katrín Jak­obs­dótt­ir, for­sæt­is­ráð­herra og for­maður Vinstri grænna, hafi ekki gert neitt fyrir umhverfið í starfi sínu. Hún hafi viljað styðja við Katrínu sem for­sæt­is­ráð­herra en von­brigði með fram­göngu hennar í tengslum við við­burð þar sem til stóð að að Björk, Greta Thun­berg og Katrín lýstu yfir neyð­ar­á­standi í lofts­lags­málum hafi gert hana fokreiða. Sú reiði hafi síðan þró­ast yfir í gremju. 

Þetta kemur fram í stóru við­tali við Björk í The Guar­dian í dag í til­efni þess að tíunda sóló­plata henn­ar, Foss­ora,  er að koma út. Þar ræðir hún meðal ann­ars um móður sína, Hildi Rúnu Hauks­dótt­ur, sem lést árið 2018, og umhverf­isaktí­visma henn­ar. Hann fólst meðal ann­ars í því að fara í hung­ur­verk­fall árið 2002 til að mót­mæla bygg­ingu álvers Alcoa og Reyð­ar­firði og þeim umhverf­is­spjöllum sem fylgdu bygg­ingu Kára­hnjúka­virkj­unn­ar, sem sér álver­inu fyrir raf­magn­i. 

Beitt sér á und­an­förnum árum

Í við­tal­inu segir Björk að hún hafi alla tíð síðan þá eytt miklum tíma í að vekja athygli á eyð­ingu umhverf­is­ins. Aktí­vismi hennar hefur átt sér nokkrar birt­ing­ar­myndir á því tíma­bili. Hún stóð til að mynda, ásamt leik­stjór­anum Dar­ren Aronof­sky, fyrir við­burði sem bar yfir­skrift­ina „Stopp - gætum garðs­ins!“ árið 2014. 

Í við­tali við Kjarn­ann í mars það ár sagði hún að drop­inn sem fyllti mæl­inn fyrir henni væri þegar þáver­andi umhverf­is­ráð­herra Íslands, Sig­urður Ingi Jóhanns­son, ákvað að fresta gild­is­töku nátt­úru­vernd­ar­laga sem höfðu verið mörg ár í gerj­un.

Björk, og sam­starfs­fólk henn­ar, krafð­ist þess að lögin myndu taka gildi. „Svo langar okkur að sýna stuðn­ings við bæði Nátt­úru­vernd­ar­sam­tökin og Land­vernd. Við viljum virkja þjóð­ina í fjár­söfnun svo að sam­tökin geti starfað af fullum styrk og sem full­trúar okkar og nátt­úr­unn­ar. Svo þau geti ráðið sér lög­menn, prentað plaköt og  verið með alvöru skot­færi til að fylgja þessu máli alla leið.“

Með alla kalla­kall­ana á bak­inu

Björk rifjar upp við The Guar­dian að Corn­ucopi­a-tón­leika­ferða­lag hennar árið 2019 hafi inni­haldið mynd­bands­skila­boð frá loft­lags­að­gerð­ar­sinn­anum Gretu Thun­berg. Sama ár hafi Björk og Thun­berg ákveðið að taka höndum saman við Katrínu Jak­obs­dótt­ur, for­sæt­is­ráð­herra Íslands, til að lýsa yfir neyð­ar­á­standi í lofts­lags­mál­um. Þær von­uð­ust til þess að það myndi leiða til opin­berra við­bragða frá íslensku rík­is­stjórn­inni. Þegar kom að því að gefa út yfir­lýs­ingu um málið hafi Katrín hins vegar hætt við þátt­töku. „Ég eig­in­lega treysti henni, kannski vegna þess að hún er kona, en svo fór hún og flutti ræðu og sagði ekk­ert. Hún minnt­ist ekki einu sinna á þetta. Ég varð fokreið, þar sem ég hafði verið að skipu­leggja þetta í marga mán­uð­i,“ segir Björk við The Guar­di­an.

Í kjöl­farið hafi von­brigði hennar þró­ast út í gremju, og jafn­vel nokk­urs konar aðgerð­ar­sinna-kuln­un. 

Björk segir að henni hafi langað að styðja við Katrínu í hennar hlut­verki. „Það er erfitt að vera kven­kyns for­sæt­is­ráð­herra. Hún er með alla kalla­kall­ana (e. red­necks) á bak­inu. En hún hefur ekki gert neitt fyrir umhverf­ið.“