Hank Paul­son (Hen­ry, kall­aður Hank), fyrr­ver­andi fjár­mála­ráð­herra Banda­ríkj­anna og for­stjóri Gold­man Sachs bank­ans til rúm­lega 15 ára, hefur gert með nokkuð nákvæmum hætti upp atburð­ina haustið 2008 þegar banda­ríska ríkið lagði ævin­týra­legar fjár­hæðir inn í fjár­fest­inga­banka til þess að koma í veg fyrir alls­herj­ar­hrun fjár­mála­mark­aða í Banda­ríkj­un­um, og hugs­an­lega mun víð­ar.

Í heim­ild­ar­mynd, sem aðgengi­leg er á þjón­ustu Net­fl­ix, segir Paul­son meðal ann­ars frá því að hann hafi kallað alla æðstu stjórn­endur banka á Wall Street á fund til sín þegar staðan var orðin slæm og beðið þá um að leggja öll spilin á borðið og segja hvernig staðan væri. Þetta voru allt kall­ar, flestir á milli 40 og 60 ára. Eng­inn þeirra sem stýrði banka var til­bú­inn að við­ur­kenna veik­leika í sínu fyr­ir­tæki, að sögn Paul­son. Svo fékk hann upp­lýs­ingar frá reikni­meist­urum sínum og banda­ríska seðla­bank­ans og kom þá í ljós að allir bank­arnir voru fall­valt­ir, og sumir hrein­lega á barmi hruns.

Paul­son sagði þetta hafa breytt sýn sinni á banka­geirann, að miklu leyti, því þarna hefði hann séð algjöra afneit­un. Svo varð hann reiður í lok árs 2008, þegar í ljós kom að bón­us­greiðslur vegna árs­ins 2008 - þegar bönk­unum var bjargað með tæp­lega 1.000 millj­arða Banda­ríkja­dala björg­un­ar­pakka - námu 18,4 millj­örðum Banda­ríkja­dala. Þá fórn­aði Paul­son bara höndum af reiði.

Það er merki­legt að horfa á þessa mynd, og raunar einnig að lesa bók­ina hans, On The Brink, og velta fyrir sér stöðu mála nú á Wall Street. Lítið sem ekk­ert hefur breyst. Ennþá eru það fyrst og fremst kallar sem stýra bönk­unum - ein­hverra hluta vegna er kon­unum sjaldan hleypt að - og bón­us­greiðsl­urnar hafa sjaldan verið hærri. Samt eru bank­arnir enn of stórir til að falla og alveg öruggt, að ef stjórn­endur bank­anna ger­ast of áhættu­sæknir í sinni stefnu­mót­un, þá verður kafað ofan í vasa skatt­greið­enda.

Þetta er stað­an. Simon John­son, fyrr­ver­andi aðal­hag­fræð­ingur Alþjóða­gjald­eyr­is­sjóðs­ins og pró­fessor við MIT, hefur kallað þessa stöðu tæra blekk­ingu. Að allt fjár­mála­kerfi heims­ins sé byggt á þess­ari blekk­ingu.

Á þessu er varla hægt að hamra of oft. Þetta er sið­laus staða, gjör­sam­lega, og teng­ist hug­myndum um frjálsan markað og mark­aðs­bú­skap í raun lítið sem ekk­ert.