Allt stefnir í að bók­aðar gistinætur í gegnum vef­síð­una Air­bnb verði 80 milljón tals­ins í ár og tvö­fald­ist frá árinu 2014, þegar þær voru um 40 milljón tals­ins. Frá þessu greinir Reuters í dag og hefur upp­lýs­ing­arnar eftir ónafn­greindum fjár­festi sem þekkir vel til rekst­urs Air­bnb. Í umfjöllun Reuters segir að bar­átta vef­síð­unnar við ­yf­ir­völd, sem víða vilja reglu­væða umhverfi bókana­vef­síða á borð við Air­bnb, hafi enn sem komið er ekki dregið úr alþjóð­legum vexti félags­ins.

Air­bnb vill ekki stað­festa ­rekstr­ar­töl­ur er varða fjölda bók­ana en hefur upp­lýst að um 1.5 millj­ónir eigna séu skráðar á vef­síð­unni í yfir 34 þús­und borgum í 190 lönd­um. Flestar eignir eru skráðar til leigu í París í Frakk­landi, eða um 60 þús­und eign­ir. Um helm­ingur tekna félags­ins kemur frá Evr­ópu sam­an­borið við 30 pró­sent í Banda­ríkj­un­um.

Komu Air­bnb hefur verið tekið mis­jafn­lega af borg­ar­yf­ir­völd­um. Sjaldn­ast er fyrir hendi reglu­verk utan um heimagist­ingar af þessu tagi, og á meðan margir fagna val­kost­in­um, ekki síst almenn­ing­ur, þá hafa yfir­völd haft áhyggjur meðal ann­ars af eft­ir­liti starf­sem­innar og inn­heimtu skatt­tekna. Í San Francisco, fæð­ing­ar­borg fyr­ir­tæk­is­ins, hafa borg­ar­yf­ir­völd talið síð­una ýta undir leigu­verð og vilja bregð­ast við með því að tak­marka skamm­tíma­út­leigu ein­stak­linga við nokkra mán­uði á ári.

Eins og fyrr greinir hefur and­staða borg­ar­yf­ir­valda víða, meðal ann­ars í New York borg, ekki haft áhrif á gríð­ar­legan vöxt félags­ins, sem metið er á 25,5 millj­arða doll­ara.