Borg­ar­ráð Reykja­víkur sam­þykkti í gær að setja þak á hót­el­upp­bygg­ingu í Kvos­inni. Sam­kvæmt þak­inu mega hótel ekki vera meira en 23 pró­sent af starf­sem­inni á svæð­inu. Fari Lands­símareit­ur­inn svo­kall­aði í hót­el­upp­bygg­ingu er því hámarki náð. Eftir það verða ekki fleiri hótel byggð í Kvos­inni.

Í viku­legu frétta­bréfi sem Dagur B. Egg­erts­son borg­ar­stjóri sendir frá sér á föstu­dögum segir að með þak­inu vilji borgin stuðla að því að Kvosin verði ekki eins­leit og að upp­bygg­ing í þágu ferða­þjón­ustu dreif­ist víð­ar.

Þar segir einnig að nauð­syn­legt sé „að kanna hvort grípa þurfi til við­líkra aðgerðar víð­ar, t.d. við Lauga­veg og Hverf­is­göt­u.“

Aðspurður um hvort hann telji að það þurfi að grípa til þess að setja þak á hót­el­upp­bygg­ingu við Lauga­veg og Hverf­is­götu líka svarar Dagur ját­andi. Fyr­ir­spurnir sem varða þessar tvær götur gefi fullt til­efni til þess. „Ég lýsti því yfir á opnum fundi um upp­bygg­ing­una í Reykja­vík að við þurfum að vera vak­andi fyrir því að setja þak á hlut­fall gist­ingar á fleiri stöð­um. Fyr­ir­spurnir og beiðnir sem varða þessar tvær lyk­il­götur gefa fullt til­efni til þess. Hótel geta reyndar átt vel heima við versl­un­ar­götur að því gefnu að það séu versl­anir og lif­andi starf­semi á jarð­hæðum en það þarf þá að tryggja, ásamt nauð­syn­legum gæðum í öllum frá­gangi og hlut­fall gist­ingar af heild­inni þarf að skoða til þess að fjár­fest­ing og upp­bygg­ing verði ekki of ein­hæf.“