Sig­mundur Davíð Gunn­laugs­son for­sæt­is­ráð­herra sagði í seinni fréttum RÚV í gær­kvöldi að hann teldi ástæðu til að kanna hvort skyn­sam­legt væri að reisa nýjan Land­spít­ala á lóð Rík­is­út­varps­ins. Skoða ætti hvort skyn­sam­legt væri að selja fast­eignir spít­al­ans og „ná þannig inn jafn­vel tugum millj­arða strax sem hægt væri að nota til þessa að setja upp­bygg­ingu nýs spít­ala alveg á fullt á nýjum stað,“ sagði for­sæt­is­ráð­herr­ann við RÚV í gær. 

Dagur B. Egg­erts­son borg­ar­stjóri segir á Face­book-­síðu sinn í dag að hann voni að ummæli for­sæt­is­ráð­herra séu gabb og að honum hafi tek­ist að láta fjöl­miðla hlaupa apr­íl. „Við skulum vona að þetta sé gabb, og að heil­brigð­is- og fjár­mála­ráð­herra séu að fylgja eftir ein­róma sam­þykkt Alþingis (þmt for­sæt­is­ráð­herra) um að hefja þegar bygg­ingu Land­spít­ala við Hring­braut - sem raunar tæp­lega millj­arður rennur til á þessu ári. Bygg­ing spít­al­ans er löngu tíma­bær og þjóð­ar­skömm hvernig komið er í hús­næð­is­málum þessa hjarta í heil­brigð­is­kerfi lands­manna allra,“ segir Dagur á Face­book.

Á að selja spít­al­ann og breyta í hót­el?

Hann segir að frum­for­senda Sig­mundar Dav­íðs, um að græða á sölu lóða til að fjár­magna spít­al­ann stand­ist ekki. „Borgin á lóð­irnar við Hring­braut en ekki ríkið og hefur látið þær end­ur­gjalds­laust af hendi til spít­ala­bygg­ingar skv lögum um heil­brigð­is­þjón­ustu og samningi frá 1975. Borgin end­ur­heimtir þær ef þarna á ekki að vera spít­ali. Þá stendur eftir hug­myndin um að selja Barna­spít­al­ann, Kvenna­deild­ina og Geð­deild­ina og breyta í hót­el.“

Sig­mundur Davíð sagði í gær að margar for­sendur fyrir stað­ar­vali spít­al­ans við Hring­braut hefðu breyst á síð­ustu miss­erum, ekki síst fast­eigna­mark­að­ur­inn, þar sem verð hafi rokið upp í nágrenni spít­al­ans. „Það auð­vitað breytir for­sendum tölu­vert. Og menn ættu að minnsta kosti að skoða það, það er þess virði að reikna, þó ekki væri nema á serví­ettu hvort það gæti verið skyn­sam­legt í stöð­unni núna að selja bara fast­eignir Land­spít­al­ans við Hring­braut og lóð­irnar og bygg­inga­rétt­inn þarna í kring.“

Hann ræddi sér­stak­lega um áformin um að selja lóð Rík­is­út­varps­ins og jafn­vel hús þess, „það hefur verið bent á að það gæti verið mjög hentug stað­setn­ing fyrir Land­spít­ala og um leið væri hægt að leysa úr vanda RÚV sem gæti t.d. farið í grennd við mið­bæ­inn,“ sagði hann.