Bryn­hildur S. Björns­dótt­ir, gjald­keri Bjartar fram­tíðar og vara­þing­mað­ur, hefur skilað inn fram­boði til stjórn­ar­for­mennsku í flokkn­um. Bryn­hildur er þar með fimmti fram­bjóð­and­inn í emb­ætt­ið, en áður höfðu þau ­Guð­laug Krist­jáns­dótt­ir, Kar­ólína Helga Sím­on­ar­dótt­ir, Matth­ías Freyr Matth­í­as­son og Preben Pét­urs­son boðið sig fram. Fram­boðs­frestur til emb­ætta rennur út áður en árs­fundur flokks­ins hefst á morg­un.

Bryn­hildur bauð sig einnig fram til stjórn­ar­for­manns á auka­árs­fundi flokks­ins í jan­úar síð­ast­liðn­um. Þá tap­aði hún fyrir Mar­gréti Mart­eins­dótt­ur, sem nú lætur af störfum sem stjórn­ar­for­maður flokks­ins eftir sjö mán­uði í starfi.

Aðeins einn hefur skilað form­legu fram­boði til emb­ættis for­manns Bjartar fram­tíð­ar, en það er Ótt­arr Proppé. Sem fyrr segir gætu þó bæst við fram­boð enda rennur fram­boðs­frestur ekki út fyrr en fund­ur­inn hefst.

Óttar til­kynnti um fram­boð sitt á Face­book fyrir viku síðan og sagð­ist þá hafa óbilandi trölla­trú á erindi flokks­ins. „Það er þörf og eft­ir­spurn eftir frjáls­lyndu, grænu og mann­rétt­indasinn­uðu stjórn­mála­afli. Björt fram­tíð leggur áherslu á póli­tíska sið­bót og hefur stað­fasta sýn á lang­tíma­hugsun og það að almanna­hags­munir standi framar sér­hags­mun­um. Ég vil gera mitt í þess­ari bar­átt­u.“

Áður hafði Guð­laug Krist­jáns­dótt­ir, sem er for­seti bæj­ar­stjórnar í Hafn­ar­firði, lýst yfir að hún vildi vera í for­ystu flokks­ins og bauð sig fram í bæði for­manns­emb­ætt­in. Hún hefur nú skilað inn form­legu fram­boði aðeins í emb­ætti stjórn­ar­for­manns.

Öll for­ysta Bjartar fram­tíð­ar, for­mað­ur, stjórn­ar­for­maður og þing­flokks­for­mað­ur, hefur ákveðið að hætta þeim störf­um. Guð­mundur Stein­gríms­son for­maður til­kynnti að hann hygð­ist ekki bjóða sig fram á nýjan leik í ágúst, eftir að gagn­rýni á hans störf og flokk­inn kom fram. Róbert Mars­hall þing­flokks­for­maður ákvað á sama tíma að hætta sem þing­flokks­for­mað­ur.