Bruggris­inn Anheuser-Busch InBev býr til þrjá af fimm vin­sæl­ustu bjórum Banda­ríkj­anna, Bud Light, Bud­weiser og Natural Light. Óhætt er að segja að Banda­ríkja­menn og ferða­menn sem sækja landið heim drekki mikið af Bud Light. Hann er lang­vin­sæl­asti bjór­inn, sé mið tekið af upp­lýs­ingum sem fram koma í skýrslu mark­aðs­rann­sókna­fyr­ir­tæk­is­ins IRi. Árið 2012, sem eru síð­ustu nákvæmu tölur um mark­að­inn, seld­ist Bud Light fyrir 5,9 millj­arða Banda­ríkja­dala, eða sem nemur 760 millj­örðum króna. Það er upp­hæð sem dugar til þess að standa undir öllum skuld­bind­ingum íslenska rík­is­ins í næstum eitt og hálft ár að frá­töldum um 80 millj­arða vaxta­kostn­aði, sé mið tekið af fjár­lögum árs­ins 2015. Næst vin­sæl­asti bjór­inn, Coors Light, seld­ist fyrir 2,3 millj­arða Banda­ríkja­dala, eða sem nemur tæp­lega 300 millj­örðum króna.

Bjór­mark­að­ur­inn banda­ríski er risa­vax­inn. Íbúar lands­ins eru tæp­lega 350 millj­ónir að tölu og síðan sækja landið heim um 70 millj­ónir ferða­manna á ári, sam­kvæmt tölum Alþjóða­bank­ans.

Lista yfir vin­sæl­ustu bjór­teg­undir Banda­ríkj­anna má sjá hér að neð­an.