Byggða­stofnun gerir ráð fyrir að tekju­tap sjó­manna og land­verka­fólks vegna inn­flutn­ings­banns Rúss­lands á vörur frá Íslandi geti sam­tals verið á bil­inu 990 millj­ónir til 2.550 millj­ónir á heilu ár. Tekju­tap sjó­manna er áætlað 440 til 1.000 millj­ónir en talið er að 400 sjó­menn verði fyrir tekju­tapi. Tekju­tap land­verka­fólks við fryst­ingu er talið geta verið á bil­inu frá 860 til 1.870 millj­óna króna en talið er að 780 manns verði fyrir tekju­tapi.

Frá þessu er greint á vef Skessu­horns og vísar fjöl­mið­ill­inn til til­kynn­ingar frá Byggða­stofn­un. ­Sam­tals verða 1.180 sjó­menn og land­verka­fólk fyrir tekju­tapi á bil­inu 1.300 til 2.900, sam­kvæmt mati stofn­un­ar­inn­ar, en á móti kemur að vegna auk­innar bræðslu þarf 220 fleiri starfs­menn til starfa í bræðsl­un­um. Laun til þeirra starfs­manna eru áætluð á bil­inu frá 310 til 350 millj­ónir króna.

Það var Sig­urður Ingi Jóhanns­son, sjáv­ar­út­vegs- og land­bún­að­ar­ráð­herra, sem fól Byggða­stofnun að meta áhrif Rússa­banns­ins á byggða­lög, í kjöl­far setn­ingu við­skipta­banns Rússa á Ísland í fyrri hluta síð­asta mán­að­ar. Bannið hefur mikil áhrif á útgerðir lands­ins en Rússar hafa verið stærsti kaup­andi upp­sjáv­ar­afla íslenskra sjáv­ar­út­vegs­fyr­ir­tækja.

Tekju­tap sveit­ar­sjóða vegna lægri útsvars­tekna er áætlað á bil­inu 143 til 364 millj­ónir króna og tekju­tap vegna lægri afla­gjalda er áætlað allt að 43 millj­ón­ir.

Í til­kynn­ing­unni frá Byggða­stofnun segir að almennt geri fyr­ir­tæki ekki ráð fyrir að segja upp starfs­fólki en hins veg­ar, að óbreyttu, muni ekki koma til ráðn­inga vegna vakta­vinnu við fryst­ingu mak­ríls og loðnu.

Lægri tölur en ótt­ast var í fyrstu

Fjallað er um skýrslu Byggða­stofn­unar í Morg­un­blað­inu í dag. Haft er eftir Sig­urði Inga að skýrslan sýni lægri tölur en menn hafi ótt­ast í upp­hafi, en þó sé þetta alvar­legt fyrir þá ein­stak­linga og byggða­lög sem verða fyrir mestum áhrifum af við­skipta­bann­inu.

Hann segir það ekki hafa verið rætt innan rík­is­stjórn­ar­innar hvort komið verði til móts við þau byggð­ar­lög sem nefnd eru í skýrsl­unni, en segir sjálf­sagt að það verði gert, gangi verstu spárnar eft­ir.

Í umfjöllun Morg­un­blaðs­ins kemur fram að þau byggða­lög sem verða fyrir mestum áhrifum banns­ins séu Þórs­höfn, Rauf­ar­höfn, Vopna­fjörð­ur, Nes­kaup­stað­ur, Eski­fjörð­ur, Fáskrúðs­fjörð­ur, Höfn, Vest­manna­eyj­ar, Snæ­fells­bær og Garð­ur.