Sam­kvæmt nýrri könnun MMR er CCP mest spenn­andi vinnu­staður lands­ins. Könn­unin var unnin fyrir Starfs­manna­fé­lagið, sem sendir mán­að­ar­lega út sér­stakt minn­is­blað um starfs­manna­mál, vinnu­staði og fréttir af íslenskum vinnu­stöð­um. Hægt er að ger­ast áskrif­andi að minn­is­blöðum Starfs­manna­fé­lags­ins hér.

MMR sendi ríf­lega þrettán hund­ruð ein­stak­lingum spurn­ing­una: "Hvaða fyr­ir­tæki eða stofnun á Íslandi er að þínu mati mest spenn­andi vinnu­stað­ur­inn?" Engir svar­mögu­leikar voru í boði fyr­ir­fram, og því var fólki frjálst að skrifa nafn hvaða fyr­ir­tækis sem er.  Spurn­ingin var send á fólk á öllu land­inu eldra en átján ára í síð­asta mán­uði.

Sam­kvæmt nið­ur­stöð­un­um er CCP mest spenn­andi vinnu­staður lands­ins, en 15,4 pró­sent aðspurðra voru á þeirri skoð­un. Össur og Íslensk erfða­grein­ing deila öðru sæt­inu með 5,6 pró­sent, en þar á eftir koma fyr­ir­tækin Icelandair (4,7%), Marel (4,6%), Land­spít­al­inn (4,3%), Plain Vanilla (4%) og Advania (2,9%). Rúm­lega helm­ingur aðspurðra nefndi önnur fyr­ir­tæki.

Ef að­eins er litið til yngsta ald­urs­hóps­ins, 18 til 29 ára, trónir CCP á toppn­um, Plain Vanilla er í öðru sæti og Land­spít­al­inn í því þriðja. Áhugi yngra fólks á Land­spít­al­anum vekur óneit­an­lega athygli í ljósi heldur nei­kvæðrar umræðu um spít­al­ann und­an­farin miss­eri.

Í elsta ald­urs­hópn­um, 63 ára og eldri, er Íslensk erfða­grein­ing mest spenn­andi vinnu­staður lands­ins, en þar á eftir koma fyr­ir­tækin Marel og Öss­ur.