Portúgalska knattspyrnustórstirnið Cristiano Ronaldo, sem er ríkjandi besti leikmaður heims og leikur með Real Madrid á Spáni, er orðinn vinsælastur allra á Facebook. Alls hafa rúmlega 107 milljónir mann líkað við síðu hans. Nýverið tók hann fram úr söngkonunni Shakiru sem hafði verið vinsælust um lant skeið. Um fimm þúsund fleiri hafa líkað við síðu Ronaldo en Shakiru. Frá þessu er greint í Daily Mail.
Félag Ronaldo, Real Madrid, er í ellefta sætinu á listanum yfir vinsælustu Facebook síðurnar, um 83 milljónir manns hafa líkað við síðu þess. Helsti andstæðingur Real, Barcelona,er einu sæti ofar á listanum.
Hinn besti leikmaður heims, Argentínumaðurinn Lionel Messi sem leikur Barcelona, á töluvert í land að ná í skottið á Ronaldo á stærsta samfélagsmiðli heimsins. Alls hafa 78 milljónir manna líkað við síðu Messi. Til að ná Ronaldo þyrftu til dæmis allir íbúar Saudí Arabíu að líka við síðu Messi, en þeir eru rétt rúmlega 30 milljónir.
Ronaldo er líka langvinælasti íþróttamaður heims á öðrum samfélagsmiðlum. Engin íþróttamaður er með fleiri fylgjendur en hann á Twitter (alls fylgja 34 milljónir manns honum). Í öðru sæti, kannski nokkuð óvænt, er hinn fallna brasilíska stjarna Kaka.
