Dagur B. Egg­erts­son borg­ar­stjóri og odd­viti Sam­fylk­ing­ar­innar í Reykja­vík, er ekki par hrif­inn af mörgum þeim fréttum og við­tölum af kaupum Síld­ar­vinnsl­unnar á Vísi í Grinda­vík. Hann segir umfjöll­un­ina vera eins „sena úr Ver­búð­inni. Bók­staf­lega“.

Borg­ar­stjór­inn greinir frá þessum skoð­unum sínum í færslu á Face­book í morgun og lætur henni fylgja tengil á grein sem Þórður Gunn­ars­son, hag­fræð­ingur og fyrr­ver­andi blaða­mað­ur, rit­ar. Fyr­ir­sögn grein­ar­innar er „Verð­lagn­ing Vísis í sam­runa inn í Síld­ar­vinnsl­una“ og í henni kemst Þórður að þeirri nið­ur­stöðu að for­svars­menn Vísis og Síld­ar­vinnsl­unnar hafi náð „lend­ingu um verð“ sem bæði taki til­lit til rekstr­ar­virði fyr­ir­tæk­is­ins sem sé tölu­vert lægra en upp­lausn­ar­virði afla­heim­ilda Vísis og verð­mætis afla­heim­ilda. „Ef til vill er hér komin upp­skrift að verð­lagn­ingu óskráðra sjáv­ar­út­vegs­fyr­ir­tækja í þeirri sam­runa­hr­inu sem þarf að eiga sér stað á næstu árum, svo íslensk sjáv­ar­út­vegs­fyr­ir­tæki geti stað­ist erlendri sam­keppni snún­ing.“

Dagur er á öðru máli. „Með­fylgj­andi grein­ing á kaup­verð­inu bendir ein­dregið til þess að kaup­verðið taki EKKI mikið mið af rekstri eða rekstr­ar­ár­angri Vísis heldur skýrist fyrst og fremst af hlut­deild Vísis í þorsk­kvót­an­um. Einmitt, kvót­anum sem er eða á að heita þjóð­ar­eign.“

Hann skrifar að helstu fyr­ir­tæki lands­ins í sjáv­ar­út­vegi séu með öðrum orðum „að lýsa því yfir með verð­lagn­ing­unni að ekk­ert sé að marka orð og fyr­ir­heit stjórn­mál­anna um að inn­heimta eigi eðli­legan arð af auð­lind­inni þannig að þeir fjár­munir renni til þjóð­ar­inn­ar. Og að engar breyt­ingar á því séu lík­leg­ar. Á sama tíma horfum við upp á van­fjár­magnað heil­brigð­is- og vel­ferð­ar­kerfi án þess að lausnir á því séu í sjón­máli. Er eðli­legt að við­brögð stjórn­mál­anna tak­mark­ist við umræðu um kvóta­þak og sam­keppn­is­sjón­ar­mið? Á þetta bara að vera svona?“

Einn fylgj­andi Dags á Face­book skrifar í ummælum við þessa færslu hans að fróð­legt verði að fylgj­ast með for­ystu Vinstri grænna í fram­hald­inu af þess­ari nýj­ustu sam­ein­ingu í sjáv­ar­út­vegi.

„Það er sjálf­sagt að fylgj­ast með for­ystu VG en ég minni á að for­ysta Fram­sókn­ar­flokks­ins boð­aði hækkun auð­linda­gjalda fyrr í vet­ur, ef mig mis­minnir ekki. Hvað er að frétta af því? Hefur Sjálf­stæð­is­flokk­ur­inn neit­un­ar­vald í þessum efn­um? Eða er ekk­ert að marka orð­in. Í þessu skiptir líka máli að flokkar í stjórn­ar­and­stöðu tali skýrt.“