"Í gær var birt yfir þvera for­síðu Frétta­blaðs­ins lyga­frétt með við­eig­andi myndum um stofnun og raunar ein­stak­ling sem öll fjöl­miðla­sam­steypan hefur haft veiði­leyfi á síðan ítök núver­andi eig­enda hófust þar, þótt um hríð væri logið til um eign­ar­hald­ið." Þetta skrifar Davíð Odds­son, rit­stjóri Morg­un­blaðs­ins, í Reykja­vík­ur­bréf sunnu­dags­út­gáfu Morg­un­blaðs­ins.

Fréttin sem Davíð vísar til fjall­aði um full­yrð­ingar Hreið­ars Más Sig­urðs­son­ar, fyrr­ver­andi for­stjóra Kaup­þings, um að bank­inn hafi fengið 85 millj­arða þrauta­vara­lán hjá Seðla­bank­anum án þess að gengið yrði frá veðum eða lána­skjöl­um. Eins og kunn­ugt er nemur tap skatt­greið­enda vegna lán­veit­ing­ar­innar 35 millj­örðum króna.

"Eitt sím­tal við við­kom­and­i, ­stofn­un­ina eða ein­stak­ling­inn hefð­i ­tryggt að blaðið yrði ekki sér til­ ­skammar með breið­síðu sinn­i," skrifar Dav­íð. Seðla­bank­inn sendi frá sér til­kynn­ingu í gær þar sem ­full­yrð­ingum Hreið­ars Más var vísað á bug. "Þegar

lygi blaðs­ins var afhjúpuð var þó ekki beðist afsök­un­ar. ­Nei, þá var frétta­stofa sjón­varps sama eig­anda látin seil­ast í gamlan texta, sem Björn Valur Gísla­son, af öllum mönn­um, hafði soðið saman fyrir tveimur árum til að rétt­læta lyg­ina. Rán­dýr fjöl­miðla­nefnd lætur ekki slíka mis­notkun til sín taka, enda er hún sjálf­sagt orðin venju­helguð eftir hálfan annan ára­tug af sam­bæri­legum trakt­er­ing­um."