Það ríkti gleði­leg stemmn­ing í karp­hús­inu þegar kjara­samn­ingar milli VR, Flóa­banda­lags­ins, Stétt­Vest og LÍV ann­ars vegar og Sam­taka atvinnu­lífs­ins hins vegar voru und­ir­rit­aðir skömmu fyrir þrjú í dag, en þrátt fyrir að þessum mik­il­væga áfanga hafi verið náð eru blikur á loft sé kast­ljós­inu beint að hag­spán­um. Lík­legt er að stýri­vextir muni hækka á næsta vaxta­á­kvörð­un­ar­fundi, sem er í júní.

Seðla­banki Íslands spáði því að verð­bólga færi á flug, vextir myndu hækka og atvinnu­leysi aukast, ef laun yrðu hækkuð um ell­efu pró­sent, en mat þess efnis var birt í síðu Pen­inga­málum seðla­bank­ans. Sagði Þór­ar­inn G. Pét­urs­son, aðal­hag­fræð­ingur seðla­bank­ans, að hag­kerfið gæti ekki staðið undir svo miklum launa­hækk­un­um. Svo ein­falt væri það. Samn­ing­arnir sem nú hafa verið und­ir­rit­aðir gera hins vegar ráð fyrir mun meiri hækk­un­um, einkum á lægstu laun­um, eða um ríf­lega 30 pró­sent á þriggja og hálfs árs samn­ings­tíma.

Í sam­tali við RÚV í kvöld sagði Már Guð­munds­son, seðla­banka­stjóri, að nú væri teflt á tæp­asta vað með þeim kjara­samn­ingum sem nú hefðu verið und­ir­rit­að­ir. Ólík­legt væri að öll fyr­ir­tæki gætu staðið undir þessum launa­hækk­un­um, einkum þau sem væru með þungan laun­kostnað hlut­falls­lega og lítið svig­rúm til að takast á við kostn­að­ar­hækk­an­ir.

Á sjötta tím­an­um í dag sleit ríkið samn­inga­við­ræðum við BHM. Ekki hef­ur verið boðað til nýs fund­ar og seg­ir Páll Hall­­dór­s­­son, for­maður samn­inga­­nefnd­ar BHM að ekki sé lík­­­legt að nýr fund­ur verði hald­inn um helg­ina.

Þor­steinn Víglunds­son, fram­kvæmda­stjóri Sam­taka atvinnu­lífs­ins, sagði að lok­inni und­ir­rit­un, að nú þyrftu fyr­ir­tækin að standa saman og reyna að leita leiða til þess að halda áfram að stuðla að kaup­mátt­ar­aukn­ingu og stöð­ugu verð­lagi.

Lægstu launa­taxtar hækka um 31,1 pró­sent eða kr. 64.208 á samn­ings­tím­an­um. Lág­marks­tekjur verða 300 þús­und krónur á mán­uði frá maí árið 2018.