Dómsuppsaga í Hæstarétti í Al Thani málinu í dag

H--stir--tturVef-715x320.jpg
Auglýsing

Dómur verður kveð­inn upp í Al Thani mál­inu í Hæsta­rétti í dag.

Dómur féll í mál­inu 12. des­em­ber 2103 og voru Sig­urður Ein­ars­son, fyrr­ver­andi stjórn­ar­for­maður Kaup­þings, Hreiðar Már Sig­urðs­son, fyrr­ver­andi for­stjóri Kaup­þings, Magnús Guð­munds­son, fyrr­ver­andi for­stjóri Kaup­þings í Lúx­em­borg, og Ólafur Ólafs­son, sem átti tæp­lega tíu pró­sent hlut í Kaup­þingi fyrir fall hans, dæmdir til fang­els­is­vist­ar. Hreiðar Már í fimm og hálft ár, Sig­urður í fimm ár, Magnús í þrjú og Ólafur í þrjú og hálft ár.

Hinir dæmdu áfrýj­uðu allir nið­ur­stöð­unni til Hæsta­réttar og fór munn­legur mál­flutn­ingur fram þar seinni part­inn í jan­ú­ar. Þeir voru ákærðir og dæmdir fyrir mark­aðs­mis­notkun á grund­velli laga um verð­bréfa­við­skipti og umboðs­svik.

Auglýsing

Al Thani mál­ið, sem er eitt umfangs­mesta efna­hags­brota­mál sem komið hefur á borð dóm­stóla hér á landi, á rætur að rekja til hluta­bréfa­kaupa sheikh Mohammad Bin Khalifa Al-T­hani frá Katar hinn 22. sept­em­ber 2008 en félag hans keypti 5,01 pró­senta hlut í Kaup­þingi banka fyrir 25,7 millj­arða króna með láni frá bank­an­um. Al Thani er yngri bróðir emírs­ins í Katar en hann var per­sónu­legur vinur Ólafs Ólafs­sonar þegar málið komið upp.

Voru fjór­menn­ing­arnir dæmd­ir ­fyrir mark­aðs­mis­notkun á grund­velli laga um verð­bréfa­við­skipti og umboðs­svik sam­kvæmt hegn­ing­ar­lög­um, en ákæran byggði ekki síst á því að Kaup­þing hefði fjár­magnað fyrr­nefnd kaup og að blekk­ingum hefði verið beitt til þess að fela það.

Dóm­ur­inn í mál­inu var eins og málið allt, for­dæma­laus, þegar hann var kveð­inn upp. Í rök­stuðn­ingi dóms­ins, sem Símon Sig­valda­son dóm­ari við Hér­aðs­dóm Reykja­víkur kvað upp, segir meðal ann­ars:

„Við ákvörðun refs­ingar er til þess að líta að ákærðu, Hreiðar Már og Sig­urð­ur, voru á þeim tíma er brotin voru framin æðstu stjórn­endur stærsta við­skipta­banka á Íslandi. Ákærði, Magn­ús, var fram­kvæmda­stjóri við­skipta­banka í sam­stæðu Kaup­þings banka hf. og ákærði, Ólaf­ur, einn stærsti ein­staki hlut­hafi í bank­anum í gegnum félög sín. Hin refsi­verðu við­skipti ákærðu vörð­uðu veru­legum fjár­hæð­um. Eiga brotin sér ekki hlið­stæðu í íslenskri rétt­ar­fram­kvæmd. Þá er við ákvörðun refs­ingar litið til þess að veru­legt fjár­hags­legt tjón hlaust af brotum ákærðu, sem full­framin voru á tíma­bil­inu 18. til 23. sept­em­ber 2008. Eiga ákærðu sér engar máls­bæt­ur.“

Gestur Jóns­son hrl. og Ragnar Hall hrl. voru dæmdir í mál­inu til þess að greiða eina milljón hvor í rík­is­sjóð fyrir að van­virða rétt­inn þegar þeir sögðu sig frá mál­inu og mæta ekki við aðal­með­ferð máls­ins. Þeir áfrýj­uðu ákvörð­un­inni um rétt­ar­fars­sekt­ina til Hæsta­réttar sem stað­festi hana 28. maí á þessu ári.

Hreiðar Már, Sig­urð­ur, Magnús og Ólafur hafa stað­fast­lega haldið fram sak­leysi sínu í mál­inu frá því ákæra á hendur þeim í Al-T­hani mál­inu var þing­fest í Hér­aðs­dómi Reykja­vík­ur.

Fyrir einu ári síðan: „Við eigum Ísland, það eina sem við eigum eftir að gera er að taka það“
Lífeyrissjóðir landsins eiga stóran hluta af íslensku atvinnulífi. Hávær krafa hefur lengi verið um að þeir verði virkari eigendur og nýti sér þau völd sem í því felast til að beita sér fyrir lífsgæðum sjóðsfélaga í nútíð ekki síður en í framtíð.
Kjarninn 21. september 2019
Bólusótt í hættu
Er réttlætanlegt að geyma veirur eins og bólusótt, sem geta valdið jafnmiklum mannskaða og raun ber vitni?
Kjarninn 21. september 2019
Tæknivarpið
Tæknivarpið
Tæknivarpið – Uppfærðar græjur, Sambandið og Apple Arcade
Kjarninn 21. september 2019
Birgir Birgisson
Reið hjól
Kjarninn 21. september 2019
Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
Meira úr sama flokkiInnlent
None